কৃতী ছাত্ৰক অভিনন্দন জ্ঞাপন।

টিংখাং : সদ্যঘোষিত উচ্চ মাধ্যমিক চূড়ান্ত পৰীক্ষাত পঞ্চম স্থান অধিকাৰ কৰা টিংখাঙৰ নীলমণি আদৰ্শ জাতীয় বিদ্যালয়ৰ ছাত্ৰ মানস উত্তম নেওগক কালি সদৌ অসম ক্ষুদ্ৰ চাহ খেতিয়ক সন্থাৰ টিংখাং আঞ্চলিকৰ নৱ-নিৰ্বাচিত সমিতিৰ এটি সঁজাতি দলে ছাত্ৰজনৰ ৰাজগড়স্থিত বাসগৃহত উপস্থিত হৈ বিশেষভাৱে অভিনন্দন জ্ঞাপন কৰে। এখন ফুলাম গামোচা, এখন মানপত্ৰ আৰু এখন সঁফুৰাৰে কৃতী ছাত্ৰগৰাকীক অভিনন্দন জনোৱা হয়। সঁজাতি দলটিত থাকে টিংখাং আঞ্চলিক সমিতিৰ সভাপতি সুবোধ কুমাৰ গগৈ, সম্পাদক প্ৰভাত ৰাজকোঁৱৰ, উপদেষ্টা যোগেশ বিকাশ চেতিয়া, কোষাধ্যক্ষ ৰোহিত কাকতি, উপসভাপতি পূৰ্ন গন্ধীয়া, সহ-সম্পাদক মহেন্দ্ৰ নেওগ, সাংগঠনিক সম্পাদক বিশ্বজিত গগৈ আৰু সদস্য দিলীপ গগৈ।