মাজুলীত কংগ্ৰেছৰ চাইকেল ৰেলী

মুল্য বৃদ্ধি নিয়ন্ত্ৰণত ব্যৰ্থ, কৃষক বিৰোধী কৃষি আইন বাতিল ,গণতান্ত্ৰিক ভাৱে আন্দোলন কৰা আন্দোলনকাৰীক হাৰাশাস্তি কৰা আদিৰ প্ৰতিবাদত সমগ্ৰ অসমৰ লগতে আজি মাজুলীতো জিলা কংগ্ৰেছ কমিটিৰ দ্বাৰা সোনোৱাল চৰকাৰৰ বিৰুদ্ধে এক চাইকেল ৰেলি উলিয়ায় । গড়মুৰ ৰাজীৱ ভৱনৰ পৰা মাজুলী ৰাজহচক্ৰ বিষয়া কাৰ্যালয়লৈ  উলিওৱা চাইকেল ৰেলীত অংশ গ্ৰহণ কৰে মাজুলী জিলা কংগ্ৰেছৰ সভাপতি তথা মাজুলীৰ প্ৰাক্তন বিধায়ক তথা অসম চৰকাৰৰ প্ৰাক্তন মন্ত্ৰী ৰাজীৱ লোচন পেগুৰ লগতে জিলা কংগ্ৰেছৰ বিষয় ববীয়া সকলে অংশ গ্ৰহণ কৰে। আনহাতে  উজনি মাজুলী ব্লক কংগ্ৰেছ কমিটিৰ সভাপতি ৰাণা পাংগিংৰ নেতৃত্বত কংগ্ৰেছ কৰ্মী সকলে উজনি মাজুলী ব্লক কংগ্ৰেছ কমিটিৰ কাৰ্যালয় জেংৰাইমুখ ৰাজীৱ ভৱনত চৰকাৰ বিৰোধী  শ্লগান দি চাইকেল ৰেলিৰে উজনি মাজুলী খণ্ড উন্নয়ন বিষয়াৰ কাৰ্যালয় আৰু উজনি মাজুলী ৰাজহচক্ৰ বিষয়াৰ কাৰ্যালয়ৰ সমুখৰ ধৰ্ণা দিয়ে ।