অতিৰিক্ত পানী সেৱন কৰাটো স্বাস্হ্যৰ পক্ষে হব পাৰে ক্ষতিকাৰক ………

পানীয়ে হৈছে মানুহৰ প্ৰাণ। পানীৰ অবিহনে মানুহৰ জীৱন অসম্ভৱ। স্বাস্থ্য ভালে ৰাখিবলৈ পানী বেছিকৈ খোৱাটো
অত্যন্ত আৱশ্যক ৷ পানী খোৱাৰ কিছুমান নিয়ম আছে। যধে – মধে বা যেতিয়া তেতিয়াই পানী খালে আমাৰ শৰীৰত অপকাৰহে হ’ব পাৰে।

উল্লেখযোগ্য যে পানী খোৱাৰ নিয়ম নজনাৰ বাবেই শৰীৰত গাঁঠিৰ বিষ, কুষ্ঠ কাঠিন্য ,চুলি সৰা ,ছাল শুকাই যোৱা , শৰীৰৰ ওজন বৃদ্ধি হোৱা , শৰীৰ দূৰ্বল অনুভৱ কৰা ,মুখত কলা দাগ ,কিডনী সমন্ধীয় বেমাৰ, গেছ আদি বিভিন্ন ধৰণৰ ৰোগে দেখা দিয়ে।দৈনিক পানী খোৱাৰ মাত্ৰা প্ৰতি জন ব্যক্তিৰ আকাৰ, ওজন বতৰ আৰু প্ৰতিজন ব্যক্তিৰ কাৰ্য প্ৰণালীৰ ওপৰত নিৰ্ভৰ কৰে।

বহু সংখ্যক লোকে পানী থিয় হৈ খোৱা দেখা যায়। কিন্তু আয়ুৰ্বেদ অনুসৰি পানী সদায় বহি খাব লাগে। থিয় হৈ পানী খোৱাটো শৰীৰৰ কাৰণে অত্যন্ত অপকাৰী । বহি পানী খালে আমাৰ শৰীৰৰ শিৰা উপসিৰাসমূহে কাম কৰিবলৈ সুবিধা পায় ৷আকৌ আমি কেতিয়াবা শুইও পানী খাও। শুই পানী খোৱাটো অত্যন্ত বেয়া অভ্যাস। কেতিয়াবা এনেদৰে পানী খোৱাৰ ফলত ভয়ংকৰ বিপদৰো সন্মূখীন হোৱা দেখা যায়।

পানী আমি একে উশাহতে নাখাই লাহে লাহে খাব লাগে।কাৰণ আমি যেতিয়া খাদ্য বস্তু গ্ৰহণ কৰো তেতিয়াও লাহে লাহে খাওঁ বা একেবাৰতে খাদ্যসমূহ গ্ৰহণ নকৰি অলপ অলপকৈ খাদ্য গ্ৰহণ কৰো । ঠিক তেনেদৰে আধা লিটাৰ পানীক একেলগে খোৱাতকৈ এই পানীকে তিনিৰ পৰা চাৰিঘন্টাৰ ভিতৰত ৫ বা ৬ বাৰ খাব লাগে ।এনেদৰে পানী খালে পেট ফুলা,গেছ আৰু হাইপাৰ টেনশ্যন আদিৰ পৰা মুক্ত হ’ব পাৰে।

আমি খাদ্য খোৱাৰ আগত বা পিছতেই পানী খাব নালাগে ৷ খাদ্য খোৱাৰ ৩০ মিনিটৰ আগত বা খাদ্য খোৱাৰ ৪৫ মিনিটৰ পাছতহে পানী খাব লাগে। এই নিয়মত পানী খালে খাদ্য ভালদৰে হজম হয় ।ভাতখোৱাৰ আগত বা ভাতখোৱাৰ থিক পাছতে পানী খোৱাৰ ফলত পেট ফুলাৰ ৰোগে দেখা দিব পাৰে৷বহু লোকে বটলৰ দ্বাৰা ওপৰলৈ মূৰ কৰি পানী খোৱা দেখা যায়৷ কিন্তু এনেকৈয়ে পানী খালে পাচন তন্ত্ৰৰ ক্ষতি হয়।

আমি গৰমত ফ্ৰিজৰ পানী খাবলৈ পালে ভাল পাওঁ। কিন্তু একেবাৰে ঠাণ্ডা পানীয়ে আমাৰ পাচন প্ৰণালীক ধ্বংস কৰাৰ লগতে গেচৰ সমস্যা সৃষ্টি কৰিব পাৰে।ৰাতিপুৱা খালি পেটত কুহুমিয়া পানী খুৱাটো স্বাস্থ্যৰ বাবে অতি উপকাৰী।পানীয়ে শৰীৰৰ মেটাবলিজমক বৃদ্ধি কৰি ওজনক নিয়ন্ত্ৰিত কৰে।পানীয়ে তেজৰ চলাচল কৰাত সহায় কৰে।যিসকলৰ ব্যক্তি কিডনী সম্পৰ্কীয় ৰোগ থাকে ৷ তেওঁলোকে দৈনিক দুই লিটাৰকৈ হ’লেও পানী খাব লাগে।

বিঃদ্ৰঃওপৰোক্ত লিখনিটো সাধাৰণ তথ্যৰ ওপৰত আধাৰিত।কোনো জটিল ৰোগত আক্ৰান্ত হলে চিকিৎসকৰ পৰামৰ্শ লোৱাটো বাঞ্চণীয়।