পাকিস্তানৰ সাধাৰণ নিৰ্বাচনৰ ভোটগণনা৷ তিনিটা দলৰ মাজত তীব্ৰ প্ৰতিদ্বন্দ্বিতা, ইমৰান খানৰ PTIৰ জয়লাভ ৫টা সমষ্টিত…
পাকিস্তানৰ সাধাৰণ নিৰ্বাচনৰ ভোটগণনা চলি আছে। অধিকাংশ আসনত ইমৰাণ খানৰ পিটিআই সমৰ্থিত নিৰ্দলীয় আৰু নৱাজৰ পিএমএল-এন প্ৰাৰ্থীৰ মাজত প্ৰতিদ্বন্দ্বিতা কৰা হৈছে। পাকিস্তানত স্থানীয় সময় অনুসৰি সন্ধিয়া ৫ বজাত আনুষ্ঠানিকভাৱে ভোটদানৰ অন্ত পৰে। কিন্তু শুকুৰবাৰে পুৱাৰ আগতে গণনা আৰম্ভ কৰিব পৰা নগ’ল। অৱশেষত পুৱা ৩ বজাত নিৰ্বাচন আয়োগে সংবাদমেল অনুষ্ঠিত কৰি প্ৰাৰম্ভিক ফলাফল ঘোষণা কৰে। এতিয়াও অধিকাংশ সমষ্টিতে গণনা চলি আছে। গণনাত পলম হোৱাৰ বাবেই মোবাইল আৰু ইণ্টাৰনেট সেৱা বন্ধ কৰাৰ সিদ্ধান্তক দোষাৰোপ কৰা হৈছে। কিন্তু প্ৰাথমিক গণনাৰ গতিশীলতাক ব্যাখ্যা কৰি স্থানীয় সংবাদ মাধ্যমে প্ৰকাশ কৰিছে যে জেলত থকা ইমৰাণ খানৰ পাকিস্তান তেহৰিক-ই-ইনছাফ (পিটিআই) দলৰ সমৰ্থনত বহু নিৰ্দলীয় প্ৰাৰ্থী আগবাঢ়িছিল।
পাকিস্তানৰ সাধাৰণ নিৰ্বাচন ২৬৫ খন আসনৰ বাবে হৈছিল। এইপর্যন্ত ১৩টা সমষ্টিৰ ফলাফল ঘোষণা কৰা হৈছে।
৫৫ হাজাৰ ভোটৰ ব্যৱধানত জয়ী নৱাজ শ্বৰীফৰ। আনহাতে ইমৰান খানৰ PTIৰ ৫টা সমষ্টিত জয়লাভ হৈছে।
পাকিস্তান পিপলছ পাৰ্টীৰ ৪খন আসনত জয়লাভ, নৱাজ শ্বৰীফৰ PMLNৰ ৪খন আসনত জয়।