এক বিতৰ্কিত মন্তব্য কৰি সমালোচনাৰ সন্মুখীন অভিনেত্ৰী কাজল। কাজলে কৈছিল ‘দেশৰ নেতা শিক্ষিত নহয়’! কাজলে ইয়াৰ পূৰ্বেও কৈছিল যে ভাৰতত কোনো দৃষ্টিশক্তি নথকা অশিক্ষিত নেতাই শাসন কৰি আছে।ভাৰতীয় ৰাজনীতিবিদ আৰু দেশৰ ভৱিষ্যতৰ প্ৰতি তেওঁলোকৰ দৃষ্টিভংগীৰ বিষয়ে কৰা মন্তব্য ভাইৰেল হোৱাৰ পিছতে শেহতীয়াকৈ অভিনেতা কাজলে প্ৰতিক্ৰিয়াৰ সন্মুখীন হ’বলগীয়া হৈছে। অৱশ্যে এতিয়া কাজলে স্পষ্ট কৰি দিছে যে তেওঁৰ উদ্দেশ্য কাকো হেয়জ্ঞান কৰা নাছিল।
I was merely making a point about education and its importance. My intention was not to demean any political leaders, we have some great leaders who are guiding the country on the right path.
— Kajol (@itsKajolD) July 8, 2023
শনিবাৰে কাজলে নিজৰ টুইটাৰ একাউণ্টত লিখিছিল, ‘মই কেৱল শিক্ষা আৰু ইয়াৰ গুৰুত্বৰ বিষয়েহে এটা কথা কৈছিলোঁ। মোৰ উদ্দেশ্য কোনো ৰাজনৈতিক নেতাক হেয়জ্ঞান কৰা নাছিল, আমাৰ কিছুমান মহান নেতা আছে যিয়ে দেশক সঠিক পথত আগুৱাই লৈ গৈছে।’ এক সাক্ষাৎকাৰত কাজলে কৈছিল যে এখন দেশৰ বৃদ্ধিৰ বাবে শিক্ষিত নেতা থকাটো অতি প্ৰয়োজনীয়। বিশেষকৈ ভাৰতৰ দৰে দেশত পৰিৱৰ্তন লেহেমীয়া হয়।
I don’t know, why Kajol is saying that uneducated leaders are ruling India, while PM Narendra Modi ji is having degree in all political science.🙏🏼
— KRK (@kamaalrkhan) July 9, 2023
কৰ্মক্ষেত্ৰত কাজলক পৰৱৰ্তী সময়ত দেখা যাব ৱেব শ্ব’ দ্য ট্ৰাইলত, যিটো আমেৰিকাৰ নাটক দ্য গুড ৱাইফৰ অভিযোজন।