ৰাষ্ট্ৰীয় ক্ৰীড়া বঁটা প্ৰদান অনুষ্ঠানঃ ৰাষ্ট্ৰীয় ক্ৰীড়া বঁটা প্ৰদান অনুষ্ঠানত ৰাষ্ট্ৰপতি দ্ৰৌপদী মুৰ্মুৱে মহম্মদ শামীক অৰ্জুন বঁটাৰে সম্বৰ্ধনা জনায়। আজি তেওঁক এই বৃহৎ ক্ৰীড়া বঁটা প্ৰদান কৰা হয়। ক্ৰিকেট জগতত প্ৰথমবাৰৰ বাবে এই বঁটা লাভ কৰিছিল চেলিম দুৰানীয়ে। এই বঁটা লাভ কৰা শেষৰজন ক্ৰিকেটাৰ আছিল শিখৰ ধাৱন। ২০২১ চনত শিখৰে এই সন্মান লাভ কৰিছিল। যোৱা বছৰ কোনো ক্ৰিকেটাৰে এই বঁটাৰ বাবে মনোনীত হোৱা নাছিল যদিও এইবাৰ শামীয়ে এই বঁটা লাভ কৰে। শামীৰ লগতে আন ২৩ গৰাকী খেলুৱৈকো অৰ্জুন বঁটাৰে সন্মানিত কৰা হয়।
৩৩ বছৰীয়া বেগী বলাৰ মহম্মদ শ্বামীৰ বাবে ২০২৩ চনটো আছিল অসাধাৰণ। বছৰৰ শেষৰ ফালে অনুষ্ঠিত হোৱা এদিনীয়া বিশ্বকাপত তেওঁ আলোড়নৰ সৃষ্টি কৰিছিল। প্ৰতিযোগিতাখনৰ প্ৰথম ৪ খন মেচ খেলিব নোৱাৰাৰ পিছতো শামীয়ে ২৪ টা উইকেট দখল কৰে। এই প্ৰতিযোগিতাত তেওঁ আছিল সৰ্বাধিক উইকেট দখল কৰা বলাৰ। বিশ্বকাপত এই প্ৰদৰ্শনৰ বাবে তেওঁ অৰ্জুন বঁটাৰ ৰূপত এই বঁটা লাভ কৰে। আজি পুৱা ১১ বজাৰ পৰা ৰাষ্ট্ৰপতি ভৱনত আৰম্ভ হৈছে ৰাষ্ট্ৰীয় ক্ৰীড়া বঁটা প্ৰদান অনুষ্ঠান। প্ৰথমবাৰৰ বাবে এই বঁটা প্ৰদান কৰা হয়। ইয়াৰ পিছত যোৱা বছৰ বিভিন্ন খেলত ভাল প্ৰদৰ্শন কৰা খেলুৱৈসকলক বিভিন্ন বঁটাৰে সন্মানিত কৰা হয়।