খেলপথাৰত ক্ৰিকেট খেলাৰ উপৰিও মহেন্দ্ৰ সিং ধোনীয়ে সতীৰ্থসকলৰ ওপৰতো চকু ৰাখে। চেন্নাই ছুপাৰ কিংছৰ এজন সতীৰ্থৰ বিয়াৰ আঁৰতো ধোনী আছিল।দীপক চহৰে ভাবিছিল যে পিছত প্ৰেমিকাক প্ৰেমৰ প্ৰস্তাৱ দিব। কিন্তু মহেন্দ্ৰ সিং ধোনীয়ে পলম কৰাটো বিচৰা নাছিল। গতিকে তেওঁ চেন্নাই ছুপাৰ কিংছৰ সতীৰ্থক পৰামৰ্শ দিলে। ধোনীৰ পৰামৰ্শ অনুসৰণ কৰি দীপক চহৰে বিয়াৰ প্ৰস্তাৱ দিছিল। তেওঁৰ বিয়াৰ ব্যৱস্থা কৰিছিল ধোনীয়ে। অভিনয়ৰ উপৰিও ধোনীক ‘লাভগুৰু’ৰ চৰিত্ৰত আখ্যা দিছে।
২০২০ চনৰ আই পি এলৰ সময়ত সংঘটিত হয় এই ঘটনা। covid ৰ বাবে ডুবাইত খেলিছিল। চেন্নাইয়ে ১৪খন মেচত ১৮ পইণ্ট লাভ কৰি প্লে অফত প্ৰৱেশ কৰে। চহৰে ভাবিছিল যে প্লে অফৰ সময়ত প্ৰেমিকা জয়া ভৰদ্বাজক প্ৰেমৰ প্ৰস্তাৱ দিব। কিন্তু নহ’ল। অভিনেত্ৰী অমৃতা ৰাও আৰু তেওঁৰ স্বামী ৰেডিঅ’ জকী আনমোলৰ এক অনুষ্ঠানত এই গোপন কথা প্ৰকাশ কৰে চহৰ আৰু জয়াই। তেওঁলোকৰ বিবাহৰ আঁৰত ধোনীয়ে কি ভূমিকা পালন কৰিছিল সেই কথা তেওঁলোকে ক’লে। চহৰে কয়, ‘ধোনি ভাই মোৰ জীৱনত অতি গুৰুত্বপূৰ্ণ। মোৰ খেলৰ পৰা আৰম্ভ কৰি বিয়ালৈকে সকলোতে আছে। ২০২০ চনৰ প্লে অফৰ সময়ত জয়াক প্ৰপ’জ কৰাৰ কথা ভাবিলোঁ। সেই কথা মই কেৱল ধোনী ভাইক কৈছিলো। কিন্তু ধোনী ভাইয়ে মোক আন উপদেশ দিলে।” ধোনীয়ে চহৰক ক’লে অন্তিমখন খেলৰ পিছত তেওঁক প্ৰপ’জ কৰা উচিত। কাৰণ তেতিয়া সকলোৰে মন ভাল হৈ থাকিব। প্লে অফত উপনীত হ’লে আনন্দৰ সৃষ্টি হ’ব।’ চহৰে অধিনায়কৰ কথা শুনিলে। পঞ্জাৱ কিংছৰ সৈতে মেচখনৰ পাছত পোনে পোনে গেলেৰীলৈ গৈ আঁঠু লৈ জয়াক প্ৰপ’জ কৰে। ধোনিৰ পত্নী সাক্ষী আৰু কন্যা জিভা তেওঁৰ কাষতে আছিল। তাৰ বাহিৰে বাকী ক্ৰিকেটাৰৰ পৰিয়ালবোৰো তাত আছিল। সকলোৱে বৰ সুখী হৈ পৰিল। চহৰৰ প্ৰস্তাৱত জয়া মান্তি হ’ল। পিছত বিয়া পাতিলে।
এইবাৰ আই পি এলত ধোনীক বেলেগ ভূমিকাত দেখা গৈছে। তেওঁ অধিনায়কত্ব এৰিলে। তেওঁৰ পৰিৱৰ্তে চেন্নাইৰ নতুন অধিনায়ক ৰুতুৰাজ গাইকৱাদ। হয়তো এইটোৱেই শেষবাৰৰ বাবে ধোনীক চেন্নাইৰ হালধীয়া জাৰ্চি পিন্ধি খেলা দেখা যাব।