বৰ্তমান সময়ত অসমত খেলুৱৈৰ পানীত হাঁহ নচৰাৰ দৰে অৱস্থা হৈছে। বিশেষকৈ ক’ভিডৰ সময় ছোৱাত খেলুৱৈৰ দুৰ্দশা আৰু দুগুনে বৃদ্ধি পাইছে। বহুত খেলুৱৈয়ে এসাজ খায় এসাজ লঘোনে থাকিবলগীয়া পৰিস্থিতৰ সৃষ্টি হৈছে। ঠিক সেই সময়তে নলবাৰী জিলাৰ অগ্ৰণী ক্ৰীড়া সংগঠন পূব নলবাৰী ক’চিং চেণ্টাৰৰ অনুৰোধ মৰ্মে খেলুৱৈ সকলক সহায় কৰাৰ মানসেৰে বহুকেইজন হৃদয়বান ব্যাক্তি আগবাঢ়ি অহা পৰিলক্ষিত হৈছে। এওঁলোকে খেলুৱৈ সকলক কিছু অত্যাৱশ্যকীয় সামগ্ৰী প্ৰদান কৰি খেলুৱৈ সকলক সাহস আৰু প্ৰেৰণা দিছে। এই কথা বিভিন্ন প্ৰচাৰ মাধ্যমত প্ৰকাশ হৈ থকাত আজি এই দুৰ্দশাগ্ৰস্ত খেলুৱৈৰ ওঁচৰত থিয় হৈছে যোৰহাট জিলাৰ অন্যতম স্বেচ্ছাসেৱী অনুষ্ঠান “নৱকিৰণ মঞ্চ”ৰ সঞ্চালক তথা কাকজান মহাবিদ্যালয়ৰ ইংৰাজী বিভাগৰ অৱসৰপ্ৰাপ্ত মুৰব্বী অধ্যাপিকা, উপাধক্ষ্য ড° অৰ্চনা ভটাচাৰ্য্যই। তেওঁ আজি ক’চিং চেণ্টাৰৰ ৪০ জন দুখীয়া খেলুৱৈক কিছু খাদ্য-সামগ্ৰী যোগান ধৰাৰ বাবে অনুদান আগবঢ়াই। সেইমৰ্মে চেণ্টাৰটোৰ বিষয়ববীয়াই আজি খেলুৱৈ সকলৰ মাজত চাউল, ডাইল, মিঠাতেল, আলু, আটা, পিয়াজ, চয়াবিন, চাবোন, বিস্কুট আদি অত্যাৱশ্যকীয় সামগ্ৰী প্ৰদান কৰে। খেলুৱৈ সকলে এই অভাৱৰ দিনত সামগ্ৰীখিনি পায় উৎফল্লিত হৈ পৰে। সম্পূৰ্ণ কভিড প্ৰটোক’ল মানি সামগ্ৰী সমূহ বিতৰন কৰে কচিং চেণ্টাৰৰ সভাপতি দীপক কুমাৰ দাস, সম্পাদক হিতেশ দাস, কোষাধক্ষ্য ভৱেশ ভড়ালীয়ে। ভট্টাচাৰ্য্যৰ মহানুভৱতাক ক’চিং চেণ্টাৰৰ লগতে ক্ৰীড়া প্ৰেমী ৰাইজে আন্তৰিকতাৰে শলাগ লৈছে।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- কেৱল ৰূপতেই একে নহয়;অধ্যয়নৰ দিশতো সম পৰ্যায়ৰ পাৰদৰ্শিতা দুয়ো যমজ ভগ্নীৰ
- পংখী সন্দিকৈ হত্যাকাণ্ডই ন্যায় লাভ কৰিবনে ?
- বজালী, বাক্সা আৰু তামুলপুৰত জলসম্পদ বিভাগৰ নিৰ্মীয়মান মথাউৰি আৰু সুৰক্ষাৰ কাম পৰিদৰ্শন মন্ত্ৰী পীযুষ হাজৰীকাৰ
- মুকালমুৱাৰ ৩নং কান্ধবাৰীত দুই ভাতৃৰ মাজৰ ভূমি বিবাদৰ চৰম পৰিণতি…
- ৰাষ্ট্ৰীয় পৰ্যায়ৰ সুদক্ষ ভলীবল খেলুৱৈ ! অসমৰ সম্পদ পল্লৱ প্ৰাণ শাণ্ডিল্যই নাপালে কৰ্ম সংস্থাপন…
- সেই বাঁহীৰ সুৰ ক’তনো হেৰাই থাকিল…
- ড° বুলজিৎ বুঢ়াগোহাঁইৰ ‘কেৰিয়াৰ হাতপুথি’ত কি কি তথ্য আছে জানক…
- অধ্যাপক, বিশিষ্ট বিজ্ঞানী, অসম পেট্ৰকেমিকেলচৰ অৱসৰপ্ৰাপ্ত কাৰ্য্যবাহী সঞ্চালক ড° মহেন্দ্ৰ বৰগোহাঞিৰ দেহাৱসান…
- বঙাইগাঁৱত তৃতীয় পৰ্যায়ৰ নিৰ্বাচনত ভোটাধিকাৰ সাব্যস্ত কৰি বৰপেটা লোকসভা সমষ্টিৰ এনডিএৰ প্ৰাৰ্থী ফণীভূষণ চৌধুৰীৰ মন্তব্য…
- ভগৱান কৃষ্ণৰ জন্ম আৰু কংসৰ অত্যাচাৰ…