নগাঁৱত ড্ৰাগছ আসক্ত যুৱকক উত্তম মধ্যম ৰাইজৰ

ড্ৰাগছৰ বিৰুদ্ধে এইবাৰ অধিক সজাগ হৈ পৰিছে নগাঁৱৰ ৰাইজ।  আজি নগাঁৱৰ ভূঞাপট্টিত স্থানীয় ৰাইজে এজন ড্ৰাগছ আসক্ত যুৱকক আটক কৰি উত্তম মধ্যম শোধায়।  ভূঞাপট্টিৰ এখন গেলামাল দোকানৰ পৰা যুৱকজনে ড্ৰাগছ সেৱনত ব্যৱহাৰ কৰা চিৰিঞ্জ ক্ৰয় কৰা সময়তে স্থানীয় লোকে আটক কৰে যুৱকজনক। ধৃত যুৱকজনৰ পৰা ৰাইজে হেৰ’ইনসহ ড্ৰাগছৰ সেৱনত ব্যৱহাৰ কৰা চিৰিঞ্জ জব্দ কৰে। লগতে চিৰিঞ্জ বিক্ৰী কৰা হবিব নামৰ গেলামাল দোকানীজনকো আটক কৰে ৰাইজে। ধৃত দুয়োকে ৰাইজে উত্তম মধ্যম শোধায় গতাই দিয়ে নগাঁও আৰক্ষীক।