গৰমত অফিচ যোৱাৰ পূৰ্বে কি কৰিব আৰু কি নকৰিব জানি লওক…
গৰমত সাৱধানতা অৱলম্বন কৰিব লাগে। কিছুমান নিয়ম মানি চলিব লাগিব গৰমত। আকৌ গৰমত দিনৰ ভাগত বাহিৰলৈ ওলাই যাওঁতে কিছুমান বিশেষ বস্তুৰ পৰা আঁতৰি থাকিব লাগে।গতিকে, গৰমত আগতীয়াকৈ সাৱধানতা অৱলম্বন কৰিব লাগিব যাতে গৰমৰ অশান্তি নহয়। এই গ্ৰীষ্মকালত নিজকে সুস্থ কৰি ৰাখিবলৈ কি কৰিব লাগে, আৰু কি কৰিব নালাগে জানো আহক-
১)দিনত ছানস্ক্ৰীণ প্ৰয়োগ নকৰাকৈ বাহিৰলৈ নাযাব। সূৰ্যৰ অতিবেঙুনীয়া ৰশ্মিৰ ফলত ছালৰ ক্ষতি হ’ব পাৰে। ইয়াৰ বাহিৰেও ছানস্ক্ৰীণ প্ৰয়োগ নকৰিলে ৰ’দত পোৰাৰ আশংকা থাকে।
২)দিনত ৰ’দত ওলাই যাব লগা হ’লে কপাহী কাপোৰবোৰ পিন্ধিব। ৰ’দ, ঘাম আৰু গৰমত বেলেগ কাপোৰ পিন্ধিলে অস্বস্তি আৰু বেছিকৈ বৃদ্ধি কৰিব পাৰে।
৩) ৰ’দলৈ চোৱাৰ প্ৰয়োজন নাই, ৰ’দৰ বাবে চকু দুটাও পুৰে। গতিকে ছানগ্লাছ ব্যৱহাৰ কৰাটো অতি প্ৰয়োজনীয়।
৪)বেগত পানী ৰাখিবলৈ নাপাহৰিব। অফিচ পোৱাৰ লগে লগে ডিঙি তিয়াই ল’ব। লগত পানীৰ বটল এটাও নিনিয়াকৈ ওলাই যোৱাটো মূৰ্খামি হ’ব।
৫) কেৱল বগা পানী খোৱাৰ পৰিৱৰ্তে গ্লুক’জ বা ORS ৰ লগত মিহলাই খাব পাৰে। ঘামৰ জৰিয়তে শৰীৰৰ পৰা অহা অত্যাৱশ্যকীয় খনিজ পদাৰ্থবোৰ পানীৰ লগত মিহলি হয়।
আনহাতে গৰমত কি কি নকৰিব-
১) অস্বস্তিৰ সৃষ্টি কৰিব পৰা যিকোনো কাপোৰ পিন্ধিব নালাগে। সদায় কপাহী কাপোৰ পিন্ধিবলৈ চেষ্টা কৰক। কেৱল দিনতে নহয়, ৰাতিও পাতল কপাহী কাপোৰ পিন্ধি ওলাই যোৱাটো ভাল।
২) ৰাস্তাৰ কাষৰ খাদ্য, কাটি লোৱা ফল নাখাব। গৰমত শৰীৰটো ভাগৰুৱা হৈ পৰিছে। গতিকে ৰাস্তাত খোজ কাঢ়ি গৈ থাকোঁতে ৰাজপথৰ দোকানৰ কটা ফলৰ দোকানখনত থিয় হৈ আছে বহু লোক। গ্ৰীষ্মকালত এনে কটা ফল খালে ডায়েৰিয়া, পেট বেয়া হোৱাৰ আশংকা।
৩) গৰম বতৰত ডিঙি তিয়াবলৈ বহুতে ৰঙীন পানীয় আৰু শীতল পানীয়ৰ চুমুক দিয়ে। এনে পানীয় শৰীৰৰ বাবে একেবাৰেই স্বাস্থ্যকৰ নহয়।
৪) দিনৰ ভাগত চুটি কাপোৰ নিপিন্ধাই ভাল। ৰ’দত পোৰাৰ ফলত ছাল বেয়া হ’ব পাৰে। ইয়াৰ বাহিৰেও সূৰ্য্যৰ অতিবেঙুনীয়া ৰশ্মিয়ে ছালৰ ক্ষতি কৰে। গতিকে সূৰ্যৰ পোহৰে যাতে ছালখন স্পৰ্শ নকৰে তাৰ প্ৰতি লক্ষ্য ৰাখিব।