লকডাউনত শিৱসাগৰত আৰ্তজনক খাদ্য সামগ্ৰী বিতৰণ ফিনিক্স ক্ৰিকেট কচিং ক্লাবৰ

শিৱসাগৰ শিৱসাগৰৰ অন্যতম ক্ৰীড়া অনুষ্ঠান ফিনিক্স ক্ৰিকেট কচিং ক্লাবে দেওবাৰে দিন হাজিৰা কৰি জীৱন নিৰ্বাহ কৰা আৰু অতি দৰিদ্ৰ পৰিয়ালৰ মাজত অত্যাৱশ্যকীয় সামগ্ৰী বিতৰণ কৰে। ফিনিক্স ক্ৰিকেট কচিং ক্লাবৰ সকলো সদস্য তথা প্ৰশিক্ষাৰ্থীসকলে নিজাববীয়া কৈ অৰ্থ সংগ্ৰহ কৰি চেণ্টাৰৰ প্ৰশিক্ষক পবিত্ৰ দত্তৰ উদ্যোগত দেওবাৰে শিৱসাগৰৰ মেটেকা অঞ্চলৰ প্ৰায় ২৫ টা দিন হাজিৰা কৰা তথা দৰিদ্ৰ পৰিয়ালৰ মাজত চাউল, দাইল, মিঠাতেল, নিমখ, চাবোন, বিস্কুট আদি অত্যাৱশ্যকীয় সামগ্ৰী বিতৰণ কৰে। লকডাউনৰ সময়ত ফিনিক্স ক্ৰিকেট কচিং ক্লাবে কেৱল খেলৰ লগতে জড়িত নহৈ আৰ্তজনক সহায় আগবঢ়োৱা কাৰ্যক শিৱসাগৰবাসীয়ে প্ৰশংসা কৰিছে।