আপুনি ধিঙৰ বেচামাৰী নায়ৰা তেল ডিপুত তেল ভৰাই নেকি ? তেন্তে আজিৰে পৰা সাৱধান হওঁক আপুনি ।
নগাওঁ জিলাৰ ধিঙৰ বেচামাৰীৰ এই ডিপুত তেল কম দিয়াৰ দীর্ঘদিন ধৰি অভিযোগ উত্থাপন কৰি আহিছিল একাংশ গ্ৰাহকে। কিন্তু আজি হাতে লুটে ধৰা পৰিল কৰ্মচাৰী।গ্ৰাহকক হাত যোৰ কৰি ক্ষমাও খুজিলে ডিপুৰ কৰ্মচাৰীয়ে ।চাকৰিৰ পৰা নিলম্ব কৰিব বুলি কৈছে ডিপুৰ পৰিচালকে।
জানিব পৰা মতে, টুকটুকীৰ চাবেদ আলি আৰু বুলবুল হুছেইনে ৩০০ টকাৰ তেল ভঁৰাইছিল নিজৰ বাইকত।দুয়োৰে সন্দেহ হোৱাত তেল উলিয়াই জুখোতে মাত্ৰ ডেৰ শ টকাৰ তেল হে ওলাই। বাকী তেল কলৈ গল বুলি সোধোতে ভুল হৈ গল বুলি ক্ষমা বিচাৰিলে কৰ্মচাৰীয়ে।
বেচামাৰীস্থিত ইক্রামূল হুছেইনৰ তেল ডিপুৰ কৰ্মচাৰীৰ এনে কৰ্মকাণ্ডই চকু কপালত উঠিছে গ্ৰাহক সকলৰ। অঞ্চলটোৰ যান বাহনৰ মালিক সকলে অতি শীঘ্ৰে বেচামাৰীস্থিত নায়ৰা তেল ডিপুৰ অনুজ্ঞা পত্ৰ বাতিল কৰিবলৈ বিভাগীয় কৰ্তৃপক্ষৰ ওচৰত দাবী জনায়।
