মৰিগাঁৱত বিশ্ব হিন্দু মহাসংঘৰ অসম শাখাৰ জিলা সমিতি গঠন

মৰিগাঁও চহৰৰ শ্ৰী শ্ৰীৰাস মন্দিৰ প্ৰাংগনত কালি বিশ্ব হিন্দু মহাসংঘৰ অসম শাখাৰ মৰিগাঁও জিলা সমিতি খন গঠন কৰা হয়। মৰিগাঁও জিলা সত্ৰ মহাসভাৰ প্ৰাক্তন সভাপতি ক্ষীৰোদ গোস্বামীৰ সভাপতিত্বত দিনৰ ভাগত অনুষ্ঠিত হোৱা সভাতেই ক্ষীৰোদ গোস্বামীক সভাপতি, ঘনকান্ত বৰা, চন্দ্ৰ তামুলী, অতুল চন্দ্ৰ বৰুৱা, প্ৰদীপ পৰাশৰ, নিত্যানন্দ ডেকাক উপ-সভাপতি আৰু বন্ধুৰাম কাকতিক সাধাৰণ সম্পাদক হিচাপে লৈ এখন ২১ জনীয়া শক্তিশালী সমিতি গঠন কৰা হয়। কালি অনুষ্ঠিত হোৱা গাম্ভীৰ্যপূৰ্ণ অনুষ্ঠানত‌ বিশ্বৰ হিন্দু মহাসংঘ অসম শাখাৰ সভাপতি তথা শ্ৰীশ্ৰী দক্ষিণপাট গৃহাশ্ৰম সত্ৰৰ সত্ৰাধিকাৰ জনাৰ্দ্দন দেৱ গোস্বামীক ৰাসমন্দিৰ পৰিচালনা সমিতিৰ সভাপতি তিলেন বৰাৰ লগতে গুণমুগ্ধই আদৰণি জনায়। সভাত বিশ্ব হিন্দু মহাসংঘৰ সম্পাদক বলেন বৈশ্যকে ধৰি কেন্দ্ৰীয় বহুকেইজন বিষয়ববীয়া উপস্থিত থাকে।