ভাইৰাছজনিত শ্বাস-প্ৰশ্বাসজনিত সংক্ৰমণৰ চিকিৎসাৰ বাবে ৰাষ্ট্ৰীয় ৰাজধানীৰ ছাৰ গংগা ৰাম চিকিৎসালয়ত ভৰ্তি হোৱা কংগ্ৰেছৰ প্ৰাক্তন সভানেত্ৰী ছোনিয়া গান্ধীক মঙলবাৰে চিকিৎসালয়ৰ পৰা যাবলৈ দিয়া হয়। চিকিৎসালয়খনৰ চিকিৎসকে জনোৱা মতে, তেওঁৰ অৱস্থা সুস্থিৰ হোৱাৰ পিছত তেওঁক ডিচচাৰ্জ দিয়া হয়।
ছাৰ গংগা ৰাম হাস্পতালৰ অধ্যক্ষ (বৰ্ড অৱ মেনেজমেণ্ট) ডাঃ অজয় স্বৰূপে কয় যে, “ইউপিএৰ অধ্যক্ষ ছোনিয়া গান্ধীক ১০ জানুৱাৰীৰ বিয়লি ৩ বজাত সুস্থিৰ আৰু সন্তোষজনক অৱস্থাত চিকিৎসালয়ৰ পৰা মুকলি কৰি দিয়া হয়।” শ্বাস-প্ৰশ্বাসজনিত সংক্ৰমণৰ অভিযোগত যোৱা ৪ জানুৱাৰীত ছোনিয়া গান্ধীক ছাৰ গংগা ৰাম চিকিৎসালয়ত ভৰ্তি কৰোৱা হৈছিল।
২৪ ডিচেম্বৰত ভাৰত জোডো যাত্ৰাত যোগদান কৰে ছোনিয়া গান্ধীয়ে।
শনিবাৰে কংগ্ৰেছ নেতা ৰাহুল গান্ধী নেতৃত্বাধীন ভাৰত জোডো যাত্ৰাই ৰাষ্ট্ৰীয় ৰাজধানীত উপস্থিত হোৱাৰ সময়তে ৱায়ানাদৰ সাংসদগৰাকীয়ে টুইটাৰত এটা আৱেগিক পোষ্ট শ্বেয়াৰ কৰি কয় যে তেওঁৰ মাতৃ আৰু প্ৰাক্তন কংগ্ৰেছী মুৰব্বী ছোনিয়া গান্ধীৰ পৰা যি মৰম লাভ কৰিছিল, সেই মৰম তেওঁ দেশৰ সৈতেও একেই শ্বেয়াৰ কৰিছিল।
শনিবাৰে পুৱা ৰাষ্ট্ৰীয় ৰাজধানীত প্ৰৱেশ কৰে কংগ্ৰেছ সাংসদ ৰাহুল গান্ধীৰ গণ প্ৰচাৰ অভিযান ভাৰত জোডো যাত্ৰা। ৰাষ্ট্ৰীয় ৰাজধানীত এই যাত্ৰাত যোগদান কৰে ছোনিয়া গান্ধীয়ে। কংগ্ৰেছৰ সাধাৰণ সম্পাদক প্ৰিয়ংকা গান্ধীৰ লগতে তেওঁৰ স্বামী ৰবাৰ্ট ভাদ্ৰাও এই যাত্ৰাত যোগদান কৰে।