Breaking

প্ৰাৰ্থীত্বৰ পৰা বঞ্চিত হৈ অ জা প ত্যাগ কৰিলে প্ৰতিষ্ঠাপক যুটীয়া সম্পাদক সুবীৰ মেচে দিলীপ হাজৰিকা

0 2,093

সমাগত অসম বিধান সভা নিৰ্বাচনত ১০৪ নং নাজিৰা বিধান সভা সমষ্টিৰ অসম জাতীয় পৰিষদ দলৰ প্ৰাৰ্থীত্বৰ প্ৰবল দাবীদাৰ তথা দলটোৰ অন্যতম প্ৰতিষ্ঠাপক যুটীয়া সম্পাদক সুবীৰ মেচে দলটোৰ সভাপতি লুৰীণ জ্যোতি গগৈৰ একনায়কত্ববাদৰ লগতে প্ৰাৰ্থীত্বৰ পৰা বঞ্চিত হোৱাৰ প্ৰতিবাদকল্পে দলৰ বিষয় – বাবৰ উপৰি প্ৰাথমিক সদস্য পদৰ পৰাও পদত্যাগ কৰিছে । অসম জাতীয় পৰিষদৰ কেন্দ্ৰীয় সমিতিৰ যুটীয়া সম্পাদকৰ দায়িত্বত থকা সুবীৰ মেচে ইতিমধ্যে তেওঁৰ পদত্যাগ পত্ৰ কেন্দ্ৰীয় সভাপতি লৈকো প্ৰেৰণ কৰা বুলি জানিবলৈ দিয়ে । উল্লেখযোগ্য যে , মেচ কছাৰী জাতীয় পৰিষদৰ প্ৰাক্তন সম্পাদক সুবীৰ মেচে দলটোত যোগদান কৰি পৰৱৰ্তী কালত কেন্দ্ৰীয় সমিতিৰ যুটীয়া সম্পাদকৰ দায়িত্ব গ্ৰহণ কৰি নাজিৰাত দলৰ সাংগঠনিক ভেটি সুদৃঢ় কৰাত বিশেষ ভূমিকা লৈ ভালেসংখ্যক লোকক দলটোলৈ আকৰ্ষিত কৰাৰ উপৰি ১৬ খনকৈ আঞ্চলিক সমিতি গঠন কৰিছিল । ইয়াৰ পিছতো মেচক প্ৰাৰ্থীত্বৰ পৰা বঞ্চিত কৰি দলৰ সভাপতি গৰাকীয়ে একনায়কত্ববাদৰ পৰিচয়দি ৰিবুলয়া গগৈক নাজিৰাত প্ৰাৰ্থীত্ব প্ৰদান কৰাত ক্ষোভ উজাৰে সুবীৰ মেচে । 

Leave A Reply