Breaking

তামুলপুৰত ভাৰতীয় সেনাৰ বিনামূলীয়া পশু চিকিৎসা শিৱিৰ

0 2,007

ভাৰতীয় সেনাৰ ৰেড হৰ্ণ ডিভিজনৰ উদ্যোগত আৰু তামুলপুৰ ৰাজ্যিক পশু চিকিৎসালয়ৰ সহযোগত শুকুৰবাৰে তামুলপুৰ মহকুমা সদৰৰ মাজমজিয়াত থকা ডিঘিলীপাৰ সেনা শিৱিৰৰ খেল পথাৰত এটি বিনামূলীয়া পশু চিকিৎসা শিৱিৰ অনুষ্ঠিত কৰা হয়।

অপাৰেশ্বন সদ্ভাৱনা আচনিৰ জৰিয়তে সেনাৰ ৰেড হৰ্ণ ডিভিজনৰ ডিঘিলীপাৰ সেনা শিৱিৰত অনুষ্ঠিত কৰা পশু চিকিৎসা শিৱিৰত মহকুমাটোৰ বিভিন্ন ঠাইৰ পৰা আহি কেবাশতাধিক পশুপালকে আহি বিনামূলীয়াকৈ নিজৰ নিজৰ গৰু-ছাগলী, আদি পশুধনৰ স্বাস্থ্য পৰীক্ষা কৰি বিনামূলীয়া দৰৱ গ্ৰহণ কৰে। জানিব পৰা মতে এই পশু চিকিৎসা শিৱিৰত  ২১৬ টা গৰু , ৯৯ টা ,ছাগলী আৰু ৪ টা কুকুৰৰ চিকিৎসা কৰা হয়।পশু চিকিৎসা শিৱিৰত পশু ধনৰ ছিটাও প্ৰদান কৰা হয়। তামুলপুৰ ৰাজ্যিক পশু চিকিৎসালয় আৰু খণ্ড পশু চিকিৎসালয়ৰ চিকিৎসক ডাঃ বলেন চৌধুৰী, ডাঃ মুকুট দাসৰ উপৰি কেইবাগৰাকীও পশু চিকিৎসা কৰ্মীয়ে শিৱিৰত সহযোগ কৰৰে।ভাৰতীয় সৈন্যৰ এনে জনকল্যাণমূলক কাৰ্যসূচীৰ বাবে অঞ্চল টোৰ লোকে সেনাক প্ৰশংসা কৰিছে।