কেন্দ্ৰীয় ৰাজ্য চৰকাৰৰ মিত্ৰজোঁটৰ অন্যতম অসমৰ জাতীয় ৰাজনৈতিক দল অসম গণ পৰিষদ চমুকৈ অগপ ৰ নামনি অসমৰ ৰাজধানী স্বৰূপ বঙাইগাঁও জিলাৰ তুলুঙীয়াত আজি অসম কৃষক পৰিষদৰ উত্তৰ শালমাৰা জিলা পৰিষদৰ অন্তৰ্গত অভয়াপুৰী উত্তৰ আৰু দক্ষিণ সমষ্টিৰ এক যৌথ সাধাৰণ সভা মিলন সংঘৰ অনুষ্ঠিত হয়।উত্তৰ শালমাৰা জিলা পৰিষদৰ সভাপতি পুলেন্দু বণিক্যৰ সঞ্চালনাত অনুষ্ঠিত হোৱা সভাত অগপ ৰ কেন্দ্ৰীয় সাধাৰণ সম্পাদক তথা প্ৰাক্তন বিধায়ক ভূপেন ৰায়,অসম কৃষক পৰিষদৰ কেন্দ্ৰীয় সভাপতি পৰেশ বশ্য ,অগপৰ কেন্দ্ৰীয় সদস্য উমেশ ঠাকুৰীয়া ,কেন্দ্ৰীয় প্ৰতিনিধি কেশৱ দেৱ শৰ্মা,কৃষক পৰিষদৰ উপ সভাপতি কালিকান্ত ঠাকুৰীয়া আৰু কৃষক পৰিষদৰ কেন্দ্ৰীয় সাংগঠনিক সম্পাদক আতাউৰ ৰহমান আদিয়ে সাম্প্ৰতিক ৰাজ্য চৰকাৰে কৃষক সকলৰ প্ৰতিটো উন্নয়নৰ দিশত বিশদ বিৱৰণ দি এক সাৰুৱা ভাষণ দিয়ে।
সভাত অগপৰ উত্তৰ শালমাৰা জিলা কৃষক পৰিষদৰ নতুন সমিতি খন গঠন কৰে ক্ৰমে মানিকপুৰ আঞ্চলিকৰ নিফুল ৰাজবংশীক সভাপতি আৰু চক্ৰভৌম অঞ্চলিকৰ প্ৰফুল্ল ৰায়ক সাধাৰণ সম্পাদক হিচাপে লৈ মুঠ ৪১জনীয়া এক শক্তিশালী জিলা সমিতি গঠন কৰে বুলি বাতৰিটোত প্ৰকাশ।
