কৃষক প্ৰতিবাদৰ বাবে প্ৰতিদিনে চৰকাৰে টোলগেট সমূহত হেৰুৱাইছে ১.৮ কোটি টকাৰ ৰাজহ
সংসদত বৃহস্পতিবাৰে এই কথা অৱগত কৰিছে কেন্দ্ৰীয় পথ পৰিবহন মন্ত্ৰী নীতিন গাডকাৰীয়ে। উল্লেখ্য যে, কৃষক প্ৰতিবাদৰ প্ৰতি লক্ষ্য ৰাখি পঞ্জাৱ, হাৰিয়ানা আৰু দিল্লীৰ টোলগেটসমূহ বন্ধ কৰি ৰখা হৈছেযাৰ বাবে টোলগেটসমূহত দৈনিক ১.৮ কোটি টকাৰ লোকচান হৈছে।
লোকসভাত এগৰাকী বিজেপি সাংসদৰ প্ৰশ্নৰ উত্তৰ দি কেন্দ্ৰীয় মন্ত্ৰীগৰাকীয়ে কয়, ”কৃষকৰ প্ৰতিবাদৰ বাবে কিছুমান টোলগেট বন্ধ হৈ আছে। যাৰ বাবে ৰাষ্ট্ৰীয় ঘাইপথ প্ৰাধীকৰণে উক্ত পথেৰে যোৱা লোকৰ পৰা কৰ সংগ্ৰহ কৰিব পৰা নাই। এইসমূহ ৰাজহুৱা টোলগেটত দৈনিক প্ৰায় ১.৮ কোটি টকাৰ লোকচান হৈছে।”
আইচিআৰএ নামৰ ক্ৰেডিট ৰেটিং এজেন্সিটোৰ মতে, পঞ্জাৱ, হাৰিয়ানা ৰাষ্ট্ৰীয় ৰাজধানী দিল্লীত কৃষক প্ৰতিবাদৰ বাবে টোলগেটত ৬০০ কোটি টকাৰ লোকচান হৈছে। অৱশ্যে কৃষি আইনৰ বিৰুদ্ধে প্ৰতিবাদ নোহোৱা স্থানত ঠিকই চলি আছে টোলগেটসমূহ।