ধৰ্মশালা, ২৬ নৱেম্বৰ : অসম গণ পৰিষদ দলৰ ভাতৃ সংগঠণ অসম যুৱ পৰিষদৰ কেন্দ্ৰীয় সমিতিৰ তৰফৰ পৰা ধুবুৰী জিলাৰ তিনিগৰাকী যুৱ কৰ্মী ক্ৰমে নুৰে ছিবলীক অসম যুৱ পৰিষদৰ কেন্দ্ৰীয় সমিতিৰ উপ-সভাপতি হিচাপে, লুতফৰ ৰহমান খন্দকাৰক কেন্দ্ৰীয় কাৰ্য্যনিৰ্বাহক সদস্য হিচাপে আৰু গৌৰীপুৰৰ সঞ্জয় বিশ্বাসক কেন্দ্ৰীয় সমিতিৰ সাংগঠনিক সম্পাদক হিচাপে দায়িত্বভাৰ অৰ্পণ কৰা বুলি জানিব পৰা গৈছে । অসম গণ পৰিষদৰ কেন্দ্ৰীয় কাৰ্য্যনিৰ্বাহক দিলীপ দত্ত আৰু অসম যুৱ পৰিষদৰ ধুবুৰী বিধান পৰিষদৰ সভাপতিয়ে তিনিওগৰাকীক অভিনন্দন জনোৱাৰ লগতে সম্বৰ্ধনা জ্ঞাপন কৰে লগতে অসম যুৱ পৰিষদৰ ধুবুৰী বিধান পৰিষদৰ সভাপতিয়ে অসম গণ পৰিষদৰ কেন্দ্ৰীয় সভাপতি তথা কৃষি বিভাগৰ মন্ত্ৰী অতুল বৰা আৰু অসম যুৱ পৰিষদৰ কেন্দ্ৰীয় সভাপতি জিতু বৰগোহাই ক অসম যুৱ পৰিষদৰ ধুবুৰী বিধান পৰিষদৰ তৰফৰ পৰা ধন্যবাদ জ্ঞাপন কৰে ।
