Breaking

গুৱাহাটীত GMC এ ফিজ ফিক্সড কৰিলে পাৰ্কিংৰ

0 6

এতিয়াৰে পৰা এজেণ্টে মন গ’লেই বৃদ্ধি কৰিব নোৱাৰিব গুৱাহাটীৰ পাৰ্কিং ফিজ। পূৰ্বতে একাংশ অসাধু এজেণ্টে মন গ’লেই বৃদ্ধি কৰিছিল পাৰ্কিং ফিজ । যাৰ ফলত যথেষ্ট অসুবিধাৰ সন্মুখীন হ’বলগীয়া হৈছিল মহানগৰবাসী। এই সমূহ আঁসোৱাহৰ পৰা মহানগৰবাসীক সকাহ দিবলৈ গুৱাহাটী মিউনিচিপাল কৰ্পোৰেশ্যনে নিৰ্ধাৰণ কৰিলে পাৰ্কিং ফিজ। দুচকীয়া বাহন, গাড়ী আৰু ট্ৰাকৰ বাবে পাৰ্কিং ফিজ ফিক্সড কৰা হৈছে। লগতে জি এম চিয়ে অসাধু এজেণ্টৰ পৰা আঁতৰি থাকিবলৈ মহানগৰবাসীক আহ্বান জনাইছে ।

কোন বাহনৰ কিমান পাৰ্কিং ৰেট ?

দুঘণ্টাৰ বাবে দুচকীয়া বাহন পাৰ্ক কৰিলে ৫ টকা। দুঘণ্টা পাৰ হোৱাৰ পিছত প্ৰতি ঘণ্টাত ভৰিব লাগিব পাঁচ টকাকৈ।

দুঘণ্টাৰ বাবে চাৰিচকীয়া বাহন পাৰ্ক কৰিলে ১০ টকা। দুঘণ্টা পাৰ হোৱাৰ পিছত প্ৰতি ঘণ্টাত ভৰিব লাগিব দহ টকাকৈ।

ট্ৰাকৰ প্ৰাকিং ৰেট ২০ টকা ।

জি এম চিয়ে বান্ধি দিয়া নিয়ম অমান্য কৰিলে কমপ্লেইন দিয়াৰো সুবিধা প্ৰদান কৰিছে। সেইদৰে যিকোনো তথ্যৰ বাবে জি এম চিৰ কণ্ট্ৰ’ল ৰুমৰ 8811007000, 7399003001, 7399003002, 7399003003, 739900300 নম্বৰত যোগাযোগ কৰিব পাৰিব।