গুৱাহাটী প্ৰেছ ক্লাৱত বন্ধন বেংকক “মহিলা সৱলীকৰণ বঁটা” প্ৰদান

গুৱাহাটী ২৪ নবেম্বৰ : অসমৰ জনপ্ৰিয় আৰু বহুল প্ৰচাৰিত পাব্লিক প্ৰেছ ৰ তৃতীয় বৰ্ষপূৰ্তি অনুষ্ঠান যোৱা ২৩ নৱেম্বৰত গুৱাহাটী প্ৰেছ ক্লাবত সফল সামৰণি পৰে। উক্ত অনুষ্ঠানত পাব্লিক প্ৰেছ ৰ ১০ গৰাকী সাংবাদিকক বৰ্ষশ্ৰেষ্ঠ বঁটা প্ৰদান কৰাৰ লগতে অসমৰ গ্ৰাম্য অৰ্থনীতিত যুগান্তকাৰী প্ৰভাৱ পেলাবলৈ সক্ষম হোৱা   “বন্ধন বেংকক” এই বছৰৰ শ্ৰেষ্ঠ বটা  “মহিলা সৱলীকৰণ বঁটা” প্ৰদান কৰা হয় ।আমাৰ অসম কাকতৰ সহ সম্পাদক গৌতম  শৰ্মাই এই বটা প্ৰদান কৰে ৷ বন্ধন বেংকৰ হৈ বটা গ্ৰহণ কৰে বন্ধন বেংক গুৱাহাটীৰ আঞ্চলিক পৰিচালক দেৱদ্বীপ ভৰদ্বাজ , সহকাৰী টেৰটৰি মেনেজাৰ কংকন ডেকা আৰু কমিউনিকেচন টিম মেম্বাৰ অজয় কুমাৰ শীলে ৷ পাব্লিক প্ৰেছৰ জ্যেষ্ঠ সাংবাদিক মনোজ কুমাৰ গগৈয়ে আঁত ধৰা অনুষ্ঠানত বন্তি প্ৰজ্বলক তথা “মাই নিউজ” প’ৰ্টেল চেনেলৰ মূখ্য সম্পাদক প্ৰণয় বৰদলৈয়ে কয় যে, সাংবাদিকতা এটা সময়ত সেৱামূলক বৃত্তি আছিল। এতিয়া ৰাজনীতি আৰু ব্যৱসায়ে সাংবাদিকতা গ্ৰাস কৰিলে। সংবাদ জগতত বহু অশিক্ষিত সাংবাদিকৰ প্ৰৱেশ ঘটিল। যাৰ বাবে সংবাদ জগতত অৱক্ষয় ঘটিছে। বিশিষ্ট সাংবাদিক গৰাকীয়ে লগতে কয় যে, টিভিৰ আদৰ কমিছে। ম’বাইলত বাতৰি ছোৱাৰ প্ৰৱণতা বাঢ়িছে। মুকলি সভাত মূখ্য অতিথি ৰূপে অসম সাহিত্য সভাৰ মূখ্য সম্পাদক যাদৱ শৰ্মা, বিশিষ্ট অতিথি নাৰী মুক্তি অসম, সভানেত্ৰী ড০ নম্ৰতা শৰ্মা, আমণ্টিত অতিথি ৰূপে বিশিষ্ট সমাজকৰ্মীক্ৰমে সুবীৰ কুমাৰ দাস, ধমেশ্বৰ কোঁৱৰ, যুৱনেতা কমল কুমাৰ মেধি  উপস্থিত থাকে। ইফালে আজি মুকলি সভাত পাব্লিক প্ৰেছৰ তৰফৰ পৰা সাংবাদিক প্ৰণয় বৰদলৈ, গৌতম শৰ্মাক, অসম সাহিত্য সভাৰ প্ৰধান সম্পাদক যাদৱ শৰ্মা, বিশিষ্ট সমাজকৰ্মী ধমেশ্বৰ কোঁৱৰ,  গুৱাহাটী বন্ধন বেংকৰ আঞ্চলিক পৰিচালক দেৱদ্বীপ ভৰদ্বাজক এখন মানপত্ৰ আৰু জাপিৰে সম্বধৰ্না জনোৱা হয়। তদুপৰি ধুবুৰীৰ ডি ৱাই-৩৬৫ ৰ ৰাজীৱ শৰ্মাক সাহসী সাংবাদিকতা বঁটা প্ৰদান কৰা হয়।   ইফালে সভাৰ  পূৰ্বে পাব্লিক প্ৰেছৰ মূখ্য সম্পাদক অনিৰ্বাণ সেনে আঁত ধৰা মত বিনিময় অনুষ্ঠানত মনোজ কুমাৰ গগৈ, বিশ্বজিৎ চক্ৰৱৰ্তী,ৰঞ্জিত ভূঞা, অৰ্পূব বৰা, উদ্ধৱ চন্দ্ৰ দাস, উপাসনা শৰ্মা, নিৰলা ডেকা মুকুল ভূঞাই নিজৰ অনুভৱ ব্যক্ত কৰে।