হাইলাকান্দি আৰক্ষীয়ে অভিযান চলাই ২ কোটি মূল্যৰ বাৰ্মিজ চুপাৰি জব্দ কৰে
হাইলাকান্দিত জব্দ ২ কোটি মূল্যৰ বাৰ্মিজ চুপাৰি, মিজোৰামৰ পৰা অহা ৰে’লত উদ্ধাৰ।হাইলাকান্দি আৰক্ষীয়ে অভিযান চলাই জব্দ কৰে দুই ৱাগন ভৰ্তি বাৰ্মিজ চুপাৰি । হাইলাকান্দি জিলাৰ জামিৰা ৰে’ল ষ্টেচনত আৰক্ষীয়ে জব্দ কৰে এই চুপাৰি। মিজোৰামৰ ভৈৰৱীৰ পৰা শিলচৰ অভিমুখে যোৱা ০৫৫৬৮ নম্বৰৰ যাত্ৰীবাহী ট্ৰেইনৰ লগতে যুক্ত আছিল এই দুটা ৱাগন। জব্দকৃত চুপাৰিৰ বজাৰ মূল্য প্ৰায় ২ কোটি টকা হ’ব বুলি অনুমান কৰা গৈছে ।
অবৈধ বাৰ্মিজ চুপাৰিৰ বিৰুদ্ধে হাইলাকান্দিত আৰক্ষীয়ে অভিযান অব্যাহত ৰাখিছে। মিজোৰামৰ পৰা স্থলপথেৰে বাৰ্মিজ চুপাৰিৰ সৰবৰাহ বন্ধ কৰাৰ পিছতে এতিয়া ৰে’লযোগে এই অবৈধ বেহা আৰম্ভ কৰিছে ক’লা ব্যবসায়ীসকলে।