সোমবাৰে স্বাস্থ্যমন্ত্ৰী হিমন্ত বিশ্ব শৰ্মাই ল’লে ক’ভিড১৯ ভেকচিনৰ প্ৰথমটো ড’জ । গুৱাহাটী মেডিকেল কলেজ আৰু হস্পাতালক ভেকচিন গ্ৰহণ কৰে স্বাস্থ্যমন্ত্ৰী গৰাকীয়ে।
উল্লেখ্য যে, সোমবাৰৰ পৰা দেশত আৰম্ভ হয় ক’ভিড ১৯ ৰ দ্বিতীয় পৰ্যায়ৰ টিকাকৰণ । প্ৰধানমন্ত্ৰী নৰেন্দ্ৰ মোদীয়ে ক’ভিড-১৯ ভেকচিনৰ প্ৰথমটো ড’জ লোৱাৰ পিছতে অসমৰ স্বাস্থ্যমন্ত্ৰী হিমন্ত বিশ্ব শৰ্মাইও লয় কৰ’ণাৰ ভেকিচিন।
জি এম চি এইচৰ অধ্যক্ষ অচ্যুত বৈশ্য আৰু অধীক্ষক অভিজিত শৰ্মাৰ উপস্থিতিত এই টিকা গ্ৰহণ কৰে মন্ত্ৰী গৰাকীয়ে। উল্লেখ্য যে, কৰ’ণা ভাইৰাচৰ ভেকচিনৰ দ্বিতীয় পৰ্যায়ত ৬০ বছৰ বয়সৰ ঊর্ধ্বৰ আৰু ৪৫ বছৰতকৈ অধিক তথা অসুস্থ লোকক অন্তৰ্ভূক্ত কৰা হৈছে।