আজি মুকালমুৱাস্থিত বৰক্ষেত্ৰী মহাবিদ্যালয় প্ৰেক্ষাগৃহত বৰক্ষেত্ৰী মহাবিদ্যালয় আৰু বৰক্ষেত্ৰী কনিষ্ঠ মহাবিদ্যালয়ৰ যৌথ উদ্যোগত ত্ৰি দিৱসীয় হিন্দী দিৱসৰ সামৰনি পৰে। বৰ্তমানৰ পৰিস্থিতিত হিন্দী ভাষাৰ গুৰুত্ব আৰু প্ৰয়োজনীয়তাৰ ওপৰত আজিৰ সামৰনি অনুষ্ঠানত বক্তা সকলে নিজৰ নিজৰ বক্তব্য আগ বঢ়ায়। অনুষ্ঠানত ছাত্ৰ ছাত্ৰী সকলে বিভিন্ন গীত মাত নৃত্য আদি পৰিবেশন কৰে। মহাবিদ্যালয়ৰ হিন্দী বিভাগৰ প্ৰৱক্তা অশোক দাসৰ সভাপতিত্তত অনুষ্ঠিত হোৱা সভা খনত বিশিষ্ট অতিথি হিচাপে উপস্থিত থাকে মহাবিদ্যালয় খনৰ প্ৰাক্তন ছাত্ৰী তথা ভাৰতীয় বিমান পট্টন প্ৰাধিকৰনৰ লোকপ্ৰিয় গোপীনাথ বৰদলৈ আন্তঃৰাষ্ট্ৰী বিমান বন্দৰৰ অধীক্ষক ৰুমী কলিতা।
আৰু আমন্ত্ৰিত অতিথি হিচাপে উপস্থিত থাকে বৰক্ষেত্ৰী ৰাষ্ট্ৰীয় মহাবিদ্যালয়ৰ সচিব ড°ৰেকিব চৈয়দ। সভাত উপস্থিত থাকে বৰক্ষেত্ৰী মহাবিদ্যালয়ৰ অধ্যক্ষ ড°ভাস্কৰ কলিতা কনিষ্ঠ মহাবিদ্যালয়ৰ অধ্যক্ষ মইনুল হক তথা দুয়োখন মহাবিদ্যালয়ৰ প্ৰৱক্তা মণ্ডলী আৰু ছাত্ৰ ছাত্ৰী সকল।
