এইচ.এম এন্টাৰটেইনমেন্টৰ চুটি ছবি ‘পথ-উপপথ’।

0 1,124

ভিকি শৰ্মা

বিশ্ব ব্যাপি ক’ৰোনাৰ ত্ৰাসৰ কৱলত পৰি অসমৰ শিল্পীসকল ঘৰতেই আৱদ্ধ হৈ আছে কিন্তু তেওঁলোকৰ শিল্প চৰ্চাৰ ধাৰা অটুট ৰাখিছে বিভিন্ন কৰ্মৰাজিৰে। ঠিক এইদৰে ভ্ৰাম্যমাণ মঞ্চ জগতৰ। জনপ্ৰিয় অভিনেতা তথা এমেচাৰ জগতৰ অক্লান্ত সেনানি হিৰন্ময় বৰুৱাই প্ৰযোজনা কৰি উলিয়াইছে এইচ.এম এন্টাৰটেইমেন্টৰ বেনাৰত এখনি সৰ্বাংগ সুন্দৰ মননশীল চুটি ছবি ‘পথ-উপপথ’। ইতিমধ্যে ছবিখনে ব্যাপক চৰ্চা লাভ কৰিবলৈ সক্ষম হৈছে ছ’চিয়েল নেটৱৰ্কিং চাইটসমূহত আৰু মুক্তিৰ কম দিনৰ ভিতৰতে যথেষ্ট সমাদৰ লাভ কৰিছে দৰ্শকৰ পৰা। মুন হাজৰিকাৰ চিত্ৰনাট্য আৰু পৰিচালনাৰে নিৰ্মিয়মান ছবিখন দৃশ্যগ্ৰহণ কৰিছে হিৰন্ময় বৰুৱা আৰু তাপস হাজৰিকাই। শিল্পী এগৰাকীৰ জীৱন পৰিক্ৰমা এক সুন্দৰ ৰূপত প্ৰতিফলিত কৰিছে ছবিখনৰ মাধ্যমেৰে। কুলদ্বীপ বৰুৱাৰ সম্পাদনাৰে সম্পাদিত পথ-উপপথত সংগীত প্ৰদান কৰিছে মানস হাজৰিকাই। অভিনয়ৰ দিশটো অলংকৃত কৰিছে অভিনেতা জিউ অনিৰ্ব্বান দত্ত, দিব্যজ্যোতি নাৰায়ন দেৱ আৰু অভিনেত্ৰী ভিয়েনা বৰা আৰু ধনদা কাকতিয়ে। পথ-উপপথৰ জনপ্ৰিয়তাৰ আঁত ধৰি এইচ.এম এন্টাৰটেইনমেন্টে পৰৱৰ্তী পৰ্য্যায়ত অসমৰ দৰ্শক ৰাইজলৈ মুকলি কৰি দিব এখনি বিগ বাজেটৰ ৰহস্যঘন ৱেব চিৰিজ দ্যা কনচিকুৱেন্স। দুয়োখন ছবিকে দৰ্শকে মৰমেৰে আকোৱালী ল’ব বুলি বিশ্বাসী নিৰ্মাতাসকল।