হলিউড অভিনেতা ৰবাৰ্ট ডি নিৰো সপ্তমবাৰৰ বাবে পিতৃ হৈছে। ৭৯ বছৰ বয়সত হলিউডৰ বিখ্যাত অভিনেতাজন পিতৃ হৈছে। ৰবাৰ্টে অলপতে তেওঁৰ নতুন ছবি ‘এবাউট মাই ফাদাৰ’ৰ প্ৰচাৰৰ সময়ত পুনৰ পিতৃ হোৱাৰ খবৰ ভাগ বতৰা কৰিছিল। অৱশ্যে, অভিনেতাজনে নতুন সন্তানটোৰ মাতৃৰ পৰিচয় প্ৰকাশ কৰা নাই। অৱশ্যে কেইদিনমান আগতে বৰ্তমানৰ প্ৰেমিকা টিফানি ছেনে বেবীবাম্পৰ এখন ফটো শ্বেয়াৰ কৰিছিল।
ৰবাৰ্ট ডি নিৰোৱে প্ৰথমে তেওঁৰ পত্নী ডায়েন এবটৰ সৈতে ড্ৰেনা নামৰ এটি কন্যা আৰু ৰাফেল নামৰ এটি পুত্ৰৰ জন্ম দিয়ে। ১৯৯৫ চনত তেওঁ তেওঁৰ প্ৰাক্তন প্ৰেমিকা, মডেল আৰু অভিনেত্ৰী টুকি স্মিথৰ সৈতে যমজ পুত্ৰ জুলিয়ান আৰু এৰনৰ জন্ম দিয়ে। অভিনেতাজনৰ তেওঁৰ প্ৰাক্তন পত্নী গ্ৰেছ হাইটাৱাৰৰ সৈতে আন এটি পুত্ৰ ইলিয়ট আৰু এজনী কন্যা হেলেন গ্ৰেছ আছে। এতিয়া আন এটা শিশুৰ জন্ম হৈছে৷ এক সাক্ষাৎকাৰত অভিনেতাজনে কয়, মই মোৰ সন্তানক একেবাৰে শাসন নকৰো। তাৰ সলনি, মই তেওঁলোকক স্বতন্ত্ৰ কৰিব বিচাৰো। মই নিজেই স্বাধীনতা ভাল পাওঁ। মই ভাবো মই এজন দেউতা হিচাপে এইটোৱেই কৰা উচিত।