১ জানুৱাৰীৰ পৰা অনলাইন ক্লাছ বন্ধ হ’ব, খুলিব বিদ্যালয় : শিক্ষামন্ত্ৰী
জনতা ভৱনত এখন সংবাদমেল সম্বোধন কৰি মন্ত্ৰী হিমন্ত বিশ্ব শৰ্মাই জনায় যে, অহা ১ জানুৱাৰীৰ পৰা পৰ্যায়ক্ৰমে প্ৰথমৰ পৰা ষষ্ঠ শ্ৰেণীলৈকে ক্লাছসমূহ খুলিব। এই বিষয়ে শিক্ষা বিভাগে জাননী জাৰি কৰিব। লগতে ১৫ ডিচেম্বৰৰ পৰা অনলাইন ক্লাছ সমূহ বন্ধ কৰাৰ বাবে শিক্ষকক আহ্বান জনোৱা হ’ব বুলি জনালে শিক্ষামন্ত্ৰী হিমন্ত বিশ্ব শৰ্মাই।
আনহাতে ১৫ ডিচেম্বৰৰ পৰা চূড়ান্ত বৰ্ষৰ ছাত্ৰ ছাত্ৰী সকলৰ বাবে সীমিতভাবে হোষ্টেলসমূহ খোলা হ’ব। হোষ্টেললৈ অহাৰ আগত চূড়ান্ত বৰ্ষৰ ছাত্ৰ-ছাত্ৰী সকলৰ ক’ভিড টেষ্ট কৰোৱা হ’ব।