২০১৭ চনৰ পৰা কিমানবাৰ উত্তৰ-পূবৰ ৰাজ্যসমূহ ভ্ৰমণ কৰিলে প্ৰধানমন্ত্ৰী মোদীয়ে; চৰকাৰী তথ্যই কি কয়
উত্তৰ-পূব অঞ্চলৰ উন্নয়ন মন্ত্ৰালয়ে যোৱা ৯ ফেব্ৰুৱাৰীত অৱগত কৰা অনুসৰি ২০১৭ চনৰ পৰা ২০২২ চনলৈ প্ৰধানমন্ত্ৰী নৰেন্দ্ৰ মোদীয়ে ৪৪ বাৰ উত্তৰ-পূবৰ ৰাজ্যসমূহ ভ্ৰমণ কৰিছে।
মন্ত্ৰালয়ে ভাগ কৰা তথ্য অনুসৰি ২০১৭ চনত মোদীয়ে ৪ বাৰ, ২০১৮ আৰু ২০১৯ চনত ১১ বাৰকৈ, ২০২০ চনত এবাৰ, ২০২১ চনত ৯ বাৰ, আৰু ২০২২ চনত ৮ বাৰ উত্তৰ-পূব ভ্ৰমণ কৰিছিল।
ইফালে, যোৱা ৮ ফেব্ৰুৱাৰীত প্ৰধানমন্ত্ৰীয়ে বিৰোধী নেতাসকলক এবাৰ উত্তৰ-পূৰ্বাঞ্চল ভ্ৰমণ কৰি উন্নয়নৰ পৰিৱৰ্তন সাক্ষী হ’বলৈ কৈছিল।
ধন্যবাদৰ প্ৰস্তাৱৰ উত্তৰ দিওঁতে তেওঁলোকক প্ৰশ্ন কৰে ৰাষ্ট্ৰপতিৰ ভাষণত বিৰোধীক ক্ষোভিত কৰি কয় যে আপোনালোকৰ (কংগ্ৰেছ) প্ৰজন্মৰ উত্তৰ-পূব আৰু এই (বিজেপি) প্ৰজন্ম সম্পূৰ্ণ পৃথক।
‘মই বিৰোধী নেতাসকলক ক’ব বিচাৰো যে এবাৰ উত্তৰ-পূব ভ্ৰমণ কৰক৷ আপোনাৰ প্ৰজন্ম আৰু এই প্ৰজন্মৰ উত্তৰ-পূবৰ সাক্ষী হওক।’- এই মন্তব্য প্ৰধানমন্ত্ৰী মোদীৰ।
ইয়াৰ উপৰিও ভাৰতৰ প্ৰধানমন্ত্ৰীয়ে দৃঢ়তাৰে কয় যে উন্নত প্ৰযুক্তিৰ পৰা নিৰ্মিত ৰাষ্ট্ৰীয় ঘাইপথ আৰু লগতে সঠিক ৰেলপথ সংযোগ আৰু বিমানপথৰ সৈতে উত্তৰ-পূবলৈ যাত্ৰা কৰাটো আৰামৰ যাত্ৰা।
ভাৰতৰ স্বাধীনতাৰ ৭৫ বছৰৰ পাছত উত্তৰ-পূবত হিংসাৰ অংশ বাছি লোৱা কমেও ৭৫ হাজাৰ উগ্ৰপন্থীয়ে মূলসুঁতিলৈ ঘূৰি আহি কেন্দ্ৰীয় চৰকাৰৰ সৈতে শান্তি আলোচনাৰ সূচনা কৰা দেখা গৈছে বুলিও উল্লেখ কৰে প্ৰধানমন্ত্ৰীগৰাকীয়ে।
ত্ৰিপুৰাৰ সন্দৰ্ভত প্ৰধানমন্ত্ৰী মোদীয়ে কয় যে লাখ লাখ লোকে ‘পকী’ ঘৰ দেখিছে আৰু তেওঁলোকৰ সুখত অংশগ্ৰহণ কৰি তেওঁ সুখী।
ইয়াৰ উপৰিও ১৬ ফেব্ৰুৱাৰীত ৰাজ্যখন নিৰ্বাচনলৈ যোৱাৰ কথা থকাৰ বাবে ১১ আৰু ১৩ ফেব্ৰুৱাৰীত ত্ৰিপুৰা ভ্ৰমণ কৰি নিৰ্বাচনী সভাত ভাষণ দিব প্ৰধানমন্ত্ৰী মোদীয়ে।