২৮ দিন কাৰাগাৰত কিদৰে কটাইছিল ৰিয়া চক্ৰৱৰ্তীয়ে, তিনি বছৰৰ মূৰত প্ৰকাশ কৰিলে ৰিয়াই। ৰিয়াই কয় যে জেলৰ ভিতৰত আপোনাক কেৱল এটা নম্বৰৰ দ্বাৰাহে চিনাক্ত কৰা হয়, যিটো আপোনাক দিয়া হয়। শেহতীয়াকৈ এক সাক্ষাৎকাৰ দিছে অভিনেত্ৰী ৰিয়া চক্ৰৱৰ্তীয়ে। এই সাক্ষাৎকাৰত ৰিয়াই ২০২০ চনত জেলত থকাৰ অভিজ্ঞতা ব্যক্ত কৰিছে। কওঁ যে অভিনেতা সুশান্ত সিং ৰাজপুতৰ মৃত্যুৰ পিছত ৰিয়া চক্ৰৱৰ্তীয়ে ২৮ দিন জেলত থাকিব লগা হৈছিল। অভিনেত্ৰীগৰাকীয়ে প্ৰয়াত অভিনেতাগৰাকীৰ বাবে ড্ৰাগছ কিনিছিল বুলি অভিযোগ উত্থাপন হৈছিল। একে সময়তে সুশান্তৰ পৰিয়ালৰ লোকে আনকি সুশান্তৰ মৃত্যুৰ বাবে ৰিয়া দায়ী বুলিও অভিযোগ উত্থাপন কৰিছিল। যি নহওক, এতিয়া আহোঁ সেই সাক্ষাৎকাৰটোলৈ, য’ত ৰিয়াই জেলত থকাৰ সময়ছোৱাত নিজৰ অভিজ্ঞতাবোৰ শ্বেয়াৰ কৰিছে।
ৰিয়াই ক’লে যে জেলৰ ভিতৰত আপোনাক কেৱল এটা নম্বৰেৰে চিনাক্ত কৰা হয়, যিটো আপোনাক দিয়া হয়। ৰিয়াই আৰু কয় যে তেওঁক সেই জেলত ৰখা হৈছিল য’ত বিচাৰৰ অধীনত থকা কয়দীক ৰখা হয়। ৰিয়াই কয় যে তেওঁ জেলত বহুতো আণ্ডাৰট্ৰাইল মহিলা বন্দী পাইছিল যিসকলৰ বিৰুদ্ধে অভিযোগ আছিল যদিও দোষী সাব্যস্ত হোৱা নাছিল।