মহাবিদ্যালয় আৰু বিদ্যালয়ৰ ছাত্ৰ-ছাত্ৰীৰ সৈতে মানৱ সৰবৰাহ আৰু সুৰক্ষিত প্ৰব্ৰজন সম্পৰ্কে ওদালগুৰি মহাবিদ্যালয় প্ৰেক্ষাগৃহত সজাগতা কাৰ্যসূচী এখন হৈ যায়।উক্ত কাৰ্যসূচীটোত অতিৰিক্ত আৰক্ষী অধীক্ষক বিদ্যুত দাস বড়োৱে মানৱ সৰবৰাহ আৰু সুৰক্ষিত প্ৰব্ৰজন আৰু আধুনিক প্ৰযুক্তিৰ অপব্যৱহাৰ, আৰু জিলা শিশু সুৰক্ষা বিষয়া গৌতম চাহাৰিয়াই ছাত্র ছাত্ৰীক শিশু অধিকাৰ, শিশু শ্ৰমিক আৰু বাল্য বিবাহৰ বিষয়ে সজাগতা দিয়ে।
সভাত ওদালগুৰি মহাবিদ্যালয়ৰ অধ্যক্ষ ড০ লোকে দৈমাৰীয়ে যুৱ ছাত্ৰ-ছাত্ৰীসকলক ভুক্তভোগী হোৱাৰ পৰা তেওঁলোকৰ ভৱিষ্যতৰ বিষয়ে অৱগত হোৱাৰ বাবে এক বিশাল ব্যাখ্যা প্ৰদান কৰে। আনহাতে কাৰ্যসূচীটো পৰিচালনা কৰে জিলা উন্নয়ন উদ্যোগ কেন্দ্ৰৰ সংগঠক উইলিয়াম মাৰ্ডিয়ে।
