নলবাৰী চহৰত ইচলাম ধৰ্মালম্বী মুজিবুৰে মুখাগ্নি কৰিলে হিন্দু ধৰ্মৰ প্ৰায় এশবছৰীয়া কৈলাশ দাসক, বৈদিক ৰীতি-নীতিৰে শেষকৃত্য সম্পন্ন…

নলবাৰী চহৰত ইচলাম ধৰ্মালম্বী মুজিবুৰে মুখাগ্নি কৰিলে হিন্দু ধৰ্মৰ প্ৰায় এশবছৰীয়া কৈলাশ দাসক,বৈদিক ৰীতি-নীতিৰে শেষকৃত্য সম্পন্ন । এগৰাকী ইচলাম ধৰ্মালম্বী লোকে মহানুভৱতা দেখুৱাই মুখাগ্নি কৰিলে হৰেশ্বৰৰ হিন্দু ধৰ্মৰ ব্যক্তিক । নলবাৰীৰ জ্যেষ্ঠ সাংবাদিক তথা শান্তি নিবাস অনাথ আশ্ৰম পৰিচালক মজিবুৰ ৰহমানে আজি মুখাগ্নি কৰিলে লক্ষীমপুৰৰ প্ৰায় এশ বছৰীয়া কৈলাস দাসক  ।

বিগত সাতটা বছৰে কৈলাস দাসক পথ পথৰ পৰা তুলি আনি সাংবাদিক মহিবুৰ ৰহমানে কৈলাস দাসক শান্তি নিবাস অনাথ আশ্ৰমত ৰাখি খোৱা-লোৱা,ভৰণ-পোষণ আদি সকলো খিনি দায়িত্ব প্ৰদান কৰি আহিছিল । তদুপৰি কৈলাস দাস বিগত কিছুদিন বছৰ ধৰি অসুখীয়া হৈ পৰাত নিজৰ পকেটৰ ধনেৰে চিকিৎসা কৰাই আছিল মজিবুৰে  ।  কিন্তু আজি শান্তি নিবাস অনাথ আশ্ৰমৰ নিবাসী কৈলাশ ডেকাই অৱশেষত নিয়তিৰ আগত পৰাজয় মানি মজিবুৰৰ লগতে সকলো অনাথ আশ্ৰমৰ লোকক কন্দুৱাই থৈ গল ।

কৈলাস দাসৰ মৃত্যুৰ পিছতে মজিবুৰে এগৰাকী পুত্ৰৰ দায়িত্ব পালন কৰি বৈদিক ৰীতি-নীতিৰে নলবাৰী গৰুবজাৰৰ শ্মশানত তেখেতৰ অন্তেষ্টিক্ৰিয়া সম্পূৰ্ণ কৰে । সাংবাদিক মহিবুৰ ৰহমানৰ এনে সজ কাৰ্যক সচেতন মহলে ভূয়সী প্ৰশংসা কৰে । কৈলাস দাসৰ শেষকৃত্যৰ সময়ত যুৱ সংবাদকৰ্মী মৃদুল কলিতা, নৱদ্বীপ বৰকটকী, কেমেৰা পাৰ্ছন জ্যোতিষ্মান শৰ্মা,নলবাৰী ৰাইজৰ দলৰ সভাপতি জ্ঞানেন চক্ৰৱৰ্তী,ভালে কেইগৰাকী বিশিষ্ট ব্যক্তি সহ অনাথ আশ্ৰমৰ আবাসী সকল উপস্থিত থাকে