এনআইটি, চিএফটিআইএছত নামভৰ্ত্তিত জেইই মেইনত প্ৰাৰ্থীৰ দ্বাদশ শ্ৰেণীত প্ৰয়োজন নাই ৭৫ শতাংশ

0 1,013

দৈনন্দিন বাৰ্তা ডেস্ক :

জেইই মেইন ২০২০ৰ যোগ্যতা অৰ্জনকাৰী প্ৰাৰ্থীয়ে এইবাৰ নেচনেল ইনষ্টিটিউট অব টেকন’লজী (এনআইটি) আৰু কেন্দ্ৰীয় চৰকাৰৰ পুঁজিৰ প্ৰযুক্তি প্ৰতিষ্ঠান (চিএফটিআইএছ)ত নামভৰ্ত্তিৰ বাবে এইবছৰ ৭৫ শতাংশ নম্বৰ পাব নালাগে৷ এই কথা ঘোষণা কৰিছে কেন্দ্ৰই৷ ক’ৰোনা ভাইৰাছ সংকটৰ বাবেই এই পদক্ষেপ লোৱা হৈছে৷ টুইটাৰত কেন্দ্ৰীয় মানৱসম্পদ উন্নয়নমন্ত্ৰী ৰমেশ পোখৰিয়াল নিহংকই ঘোষণা কৰে যে যোগ্য প্ৰাৰ্থীৰ প্ৰাপ্ত নম্বৰ কেৱল দ্বাদশ শ্ৰেণীৰ পৰীক্ষা উত্তীৰ্ণ হ’লেই হ’ব৷ এনআইটি আৰু আন চিএফটিআইএছত নামভৰ্ত্তিৰ বাবে জেইই মেইন পৰীক্ষাৰ যোগ্যতাৰ বাদে, যোগ্যতাৰ ন্যূনতম ৭৫ শতাংশ নম্বৰ অৰ্জনৰ বাবে দ্বাদশ শ্ৰেণীৰ ব’ৰ্ডৰ পৰীক্ষা বা যোগ্য পৰীক্ষাত শীৰ্ষ ২০ শতাংশৰ মাজত ৰেংক পাব লাগিব৷ বৰ্তমান পৰিস্থিতিৰ বাবে কেন্দ্ৰীয় আসন নিৰ্ধাৰণ ব’ৰ্ড (চিএছএবি)ৰ যোগ্যতাৰ মান শিথিল কৰাৰ সিদ্ধান্ত লৈছে বুলি মত প্ৰকাশ কৰে মানৱসম্পদ উন্নয়ন মন্ত্ৰীজনে৷