নিশাৰ ভিতৰতে কোটিপতি হ’ল দুটাকৈ হাতী ।

নিশাৰ ভিতৰতে কোটিপতি হ’ল দুটাকৈ হাতী৷ বিহাৰৰ এজন বন্যপ্ৰেমীয়ে তেওঁৰ সম্পত্তিৰ আধা অংশ নিজৰ হাতী দুটাৰ নামত লিখি দিছে৷ এই কথা শুনি বহু লোকে আশ্চৰ্য প্ৰকাশ কৰিছে৷ পাটনাৰ বাসিন্দা আখতাৰ ইমাম নামৰ লোকজনে তেওঁৰ পোহনীয়া হাতী দুটাক অতি মৰম কৰে৷ সেই হাতী দুটাৰ এটাৰ নাম ৰাণী আৰু আনটোৰ নাম মতি৷ ইমামে তেওঁৰ সন্তান স্নেহ কৰে হাতী দুটাক৷ সেয়ে তেওঁৰ আধা সম্পত্তি হাতী দুটাৰ নামত লিখি দিয়ে৷ ফলত নিশাৰ ভিতৰতে কোটিপতি হয়গৈ দুয়োটা হাতী৷ এই হাতী দুটাৰ ভিতৰত মতিৰ বয়স ১৫ আৰু ৰাণীৰ বয়স ২০ বছৰ৷ হাতী দুটা মানুহতকৈ বেছি বিশ্বস্ত বুলি লোকজনে কয়৷ দুয়োটা হাতী তেওঁৰ সংগী৷ বৰ্তমান ইমাম হাতী ৰক্ষণাবেক্ষণৰ এনজিঅ’ এটাৰ গৰাকী৷ বিপদৰ সময়ত তেওঁক এই হাতী দুটাই বহুবাৰ ৰক্ষা কৰিছে বুলি তেওঁ জনায়৷