গুৰুজনাৰ জন্ম জয়ন্তীত চতিয়াৰ বাৰভূঞা গাঁৱত অনুষ্ঠিত হ’ল দুদিনীয়াকৈ ভাওনা৷ এই ভাওনাৰ মুখ্য আকৰ্ষণ আছিল চতিয়াৰ জোঁৱাই তথা কেৰেলাৰ যুৱক নিধিন চন্দ্ৰন৷ পেশাত এগৰাকী এৰ’নেটিকেল ইঞ্জিনীয়াৰ৷ চতিয়াত উপস্থিত হৈছিল পুজাৰ প্ৰাকক্ষণত৷ বাৰভূঞা গাঁৱৰ ৰাইজ তথা শহুৰৰ পৰিয়ালৰ অনুৰোধ মৰ্মে দহদিনৰ ভিতৰতে নামঘৰত আখৰা কৰি আয়ত্ত কৰিলে ভাওনাৰ ভাও৷
এক দৈত্যৰ ভাওত নামঘৰত প্ৰৱেশ কৰাৰ লগে লগে সকলোৰে মন জিনিবলৈ সক্ষম হ’ল নিধিন৷ দৈত্যৰ ভাওৰ সুন্দৰ বচন মাতি সকলোকে আপ্লুত কৰিলে কেৰেলাৰ যুবকগৰাকীয়ে৷
