অসমৰ এগৰাকী আন্তৰ্জাতিক খ্যাতি সম্পন্ন বাঁহীবাদক তথা বিশিষ্ট শিল্পী দীপক শৰ্মা আজি কিছুদিনৰ পৰা যকৃতৰ(Liver) দুৰাৰোগ্য বেমাৰত ভূগি আছে আৰু এই বিষয়ে আজি ৰাতিপুৱা প্ৰায় ৮.১৫ বজাত শিল্পী মুনমুন দাসৰ পৰা গম পাই দীপক শৰ্মাৰ লগত টেলিফোনত কথা পাতি সম্পূৰ্ণ বিষয়টো খৰচি মাৰি জানিব পাৰিলো যে, আজি-কালিৰ ভিতৰতে হায়দৰাবাদৰ Asian Institute ত চিকিৎসা কৰাৰ বাবে যাত্ৰা কৰিব।
কিন্তু বৰ্তমান ব্যক্তিগত ভাৱে নিজৰ কষ্টোপাৰ্জিত কেইবালক্ষ টকা ইতিমধ্যে চিকিৎসাৰ নামত খৰছ কৰি প্ৰায় আৰ্থিক ভাৱে সৰ্বস্বান্ত হৈ পৰা এইগৰাকী অসম গৌৰৱ শিল্পী গৰাকীৰ উন্নত চিকিৎসাৰ বাবে আৰু অধিক কেইবালক্ষ টকাৰ অতি প্ৰয়োজন হৈছে।সেয়েহে এইগৰাকী বিশিষ্ট শিল্পীক সুস্থ কৰি তোলাৰ বাবে অসম শিল্পী সন্মিলনীৰ তৰফৰ পৰা অসমৰ মাননীয় মুখ্যমন্ত্ৰীৰ লগতে অসমৰ সমুহ সংস্কৃতি প্ৰেমী ৰাইজলৈ যতপৰোনাস্তি সহায়ৰ হাত আগবঢ়াবলৈ আহ্বান জনাইছে। Dipak Sarma, State Bank of India, (07202)Gita Nagar Branch, Zoo Narengi Road. A/C No. 30509214515
IFSC CODE. SBIN0007202
আমি সকলোৱে অৱগত যে, অসমৰ অতি কম সংখ্যক স্বীকৃতি প্ৰাপ্ত শিল্পী- ক্ৰীড়াবিদ আৰু সাংস্কৃতিক- ক্ৰীড়া কৰ্মীৰ বাহিৰে প্ৰায় ৯০ শতাংশই আৰ্থিক ভাৱে স্বচ্ছল নোহোৱাত এনেধৰণৰ গুৰুতৰ পৰিস্থিতিত উৱাদিহ নোপোৱাত দিকবিদিক হেৰুৱাই পেলাব লগীয়াত পৰে।
আক্ৰান্ত গৰাকীৰ লগতে পৰিয়ালৰ বাকী সদস্য সকলৰ পানীত হাঁহ নচৰা অৱস্থাৰ সৃষ্টি হয়। সেয়েহে এনেধৰণৰ পৰিস্থিতিৰ পৰা সকাহ দিয়াৰ বাবে চৰকাৰৰ ওচৰত এক সুদুৰ প্ৰসাৰী ব্যৱস্থা গ্ৰহণ কৰিবলৈ আহ্বান জনাইছে।