হাগ্ৰামা মহিলাৰীকো আমন্ত্ৰণ প্ৰমোদ বড়ো চৰকাৰৰ শপত গ্ৰহণ অনুষ্ঠানলৈ

ৰাজ্যপালে জনোৱা আহ্বান ক্ৰমে আজি পুৱা ১০ বজাত BTRৰ মুখ্য কাৰ্যবাহী সদস্য হিচাপে শপত গ্ৰহণ কৰিব UPPLৰ সভাপতি প্ৰমোদ বড়োৱে৷প্ৰমোদ বড়ো চৰকাৰৰ শপত গ্ৰহণ অনুষ্ঠানত BTCৰ সদ্য প্ৰাক্তন মুৰব্বী হাগ্ৰামা মহিলাৰীকো আমন্ত্ৰণ জনোৱা হৈছে৷ এই সন্দৰ্ভত BTRৰ নতুন মুৰব্বী প্ৰমোদ বড়োৱে সংবাদ মাধ্যমক ক’লে- “আমাৰ শপত গ্ৰহণ অনুষ্ঠানলৈ BTCৰ প্ৰাক্তন মুৰব্বী হাগ্ৰামা মহিলাৰীকো আমি আমন্ত্ৰণ জনাইছো৷ আমি আশা কৰিছো যে আমাৰ শপত গ্ৰহণ অনুষ্ঠানত তেওঁ উপস্থিত থাকিব৷ BTRৰ অধীনস্থ সকলো জাতি-জনগোষ্ঠীৰ সৰ্বাংগীন উন্নতিৰ বাবে আমি ল’বলগীয়া সকলো কাৰ্যতে তেওঁৰ পৰা আমি সহায়-সহযোগিতা পাম বুলি আশা কৰিলো৷” অৱশ্যে প্ৰমোদ বড়োৰ আহ্বান হাগ্ৰামা মহিলাৰীয়ে ৰক্ষা কৰিব নে নাই সেয়া অস্পষ্ট৷