অনলাইন বাৰ্তা : আইপিএলৰ দুটা সৰ্বাধিক সফল দল মুম্বাই ইণ্ডিয়ানছ আৰু চেন্নাই ছুপাৰ কিংছৰ খেলেৰে চলিত বৰ্ষৰ আইপিএলৰ উদ্বোধনী মেচ অনুষ্ঠিত হ’ব ৷ বিচিচিআই-এ দেওবাৰে এইবাৰৰ আইপিএলৰ সম্পূৰ্ণ সূচী প্ৰকাশ কৰে ৷ উল্লেখ্য যে এই দুয়োটা দলেই ২০১৯ চনৰ আইপিএলৰ ফাইনেলত উপনীত হৈছিল ৷ আবু ধাবিত ১৯ ছেপ্টেম্বৰত মুম্বাই ইণ্ডিয়ানছ আৰু চেন্নাই ছুপাৰ কিংছৰ মাজত উদ্বোধনী খেলখন অনুষ্ঠিত হ’ব ৷ ১৩ সংখ্যক আইপিএল সংযুক্ত আৰব আমিৰ শ্বাহিৰ তিনিখন ঠাইত অনুষ্ঠিত হ’ব ৷ সেই ঠাই তিনিখন হ’ল আবু ধাবি, ডুবাই আৰু শ্বাৰজাহ ৷ ইয়াৰে ডুবাইত ২৪খন ৰাউণ্ড ৰবীন মেচৰ লগতে আবু ধাবিত ২০ খন আৰু শ্বাৰজাহত ১২ খন মেচ অনুষ্ঠিত হ’ব ৷ ৩ নৱেম্বৰলৈকে গ্ৰুপ পৰ্যায়ৰ মেচ হ’ব ৷ আনহাতে আইপিএলৰ ফাইনেল খেল ১০ নৱেম্বৰত অনুষ্ঠিত হ’ব ৷ ইপিনে উদ্বোধনী খেলৰ পিচ দিনা ডুবাইত দিল্লী কেপিটেল আৰু কিংছ ইলেভেন পাঞ্জাৱ আৰু তৃতীয়খন মেচ ২১ ছেপ্টেম্বৰত ছানৰাইজ হাইদৰাবাদ আৰু ৰয়েল চেলেঞ্জাৰ বেংগালুৰুৰ মাজত অনুষ্ঠিত হ’ব ৷ আনহাতে ২২ ছেপ্টেম্বৰত ৰাজস্থান ৰয়েলছ আৰু চেন্নাই ছুপাৰ কিংছৰ মাজত শ্বাৰজাহত মেচ অনুষ্ঠিত হ’ব ৷ তদুপৰি ১০ খন ডাবোল মেচ হ’ব৷ তাৰে এখন ভাৰতীয় সময় অনুসৰি ৩.৩০ বজাত আৰু আনখন ইউএইৰ সময় অনুসৰি ২ বজাত অনুষ্ঠিত হ’ব ৷ সকলো খেল ইউএইৰ সময় অনুসৰি ৬ বজাত আৰু ভাৰতীয় সময় অনুসৰি সন্ধিয়া ৭.৩০ অনুষ্ঠিত হ’ব ৷ ইতিমধ্যে আঠটা ফ্ৰেন্সাইজি ইউএইত আগতীয়াকৈ উপস্থিত হৈছে ৷
