যশপ্ৰীত বুমৰাহঃ দক্ষিণ আফ্ৰিকাৰ বিৰুদ্ধে টেষ্ট শৃংখলাৰ পূৰ্বে যশপ্ৰীত বুমৰাহৰ ব্য়াপক প্ৰস্তুতি। ছ’চিয়েল মিডিয়াত ভাইৰেল হৈ পৰিছে ভাৰতীয় বেগী বলাৰ গৰাকীৰ ফটো। ভাৰত আৰু দক্ষিণ আফ্ৰিকাৰ মাজত ২ খন টেষ্ট মেচৰ ধাৰাবাহিক খেল। অৱশ্যে ইয়াৰ পূৰ্বে দুয়োটা দলে টি-২০ আৰু এদিনীয়া মেচত মুখামুখি হ’ব। ভাৰত আৰু দক্ষিণ আফ্ৰিকাৰ মাজত ৩ খন টি-২০ মেচ অনুষ্ঠিত হ’ব, তাৰ পিছত ৩ খন এদিনীয়া মেচ ধাৰাবাহিকভাৱে অনুষ্ঠিত হ’ব। আনহাতে ২৬ ডিচেম্বৰৰ পৰা আৰম্ভ হ’ব টেষ্ট ছিৰিজ। ২৬ ডিচেম্বৰত চেঞ্চুৰিয়ানত দুয়োটা দলৰ মাজত অনুষ্ঠিত হ’ব ২-টেষ্ট শৃংখলাৰ প্ৰথমখন খেল। দুয়োটা দলৰ খেলুৱৈয়ে শৃংখলাৰ পূৰ্বে নিজকে সাজু কৰি তুলিছে।
অৱশ্যে ছ’চিয়েল মিডিয়াত ক্ৰমাৎ ভাইৰেল হৈ পৰিছে এখন ফটো। এই ফটোত দেখা গৈছে ভাৰতীয় বেগী বলাৰ যশপ্ৰীত বুমৰাহক। আচলতে দক্ষিণ আফ্ৰিকাৰ বিৰুদ্ধে টেষ্ট শৃংখলাৰ পূৰ্বে যছপ্ৰিত বুমৰাহৰ ব্যাপক প্ৰস্তুতি। ছ’চিয়েল মিডিয়া ব্যৱহাৰকাৰীসকলে ধাৰাবাহিকভাৱে মন্তব্য কৰিছে বেগী বলাৰগৰাকীৰ ফটোত।