বিহাৰত ইণ্ডিয়া মিত্ৰজোঁটৰ পতনৰ বাবে কংগ্ৰেছকে দায়ী কৰিলে জেডি(ইউ)য়ে ! ৰাহুল গান্ধীকো আক্ৰমণৰ লক্ষ্য…

বিহাৰত ইণ্ডিয়া মিত্ৰজোঁটৰ পতনৰ বাবে কংগ্ৰেছকে দায়ী কৰিলে জেডি(ইউ)য়ে, ৰাহুল গান্ধীকো আক্ৰমণৰ লক্ষ্য

বিহাৰত ইণ্ডিয়া মিত্ৰজোঁটৰ পতন ঘটিছে। এই পতনৰ বাবে জেডি(ইউ)য়ে কংগ্ৰেছকে দোষাৰোপ কৰি কয় যে দলটোৰ নেতাসকলে বিৰোধী দলবোৰক নহয়, তেওঁলোকৰ নিজৰ দলকহে শক্তিশালী কৰিবলৈ আগ্ৰহী। জনতা দল (ইউনাইটেড)ৰ মুখপাত্ৰ কে চি ত্যাগীয়ে সাংবাদিকককয় যে কংগ্ৰেছৰ ভিতৰত এটা “ফৈদ”য়ে ইণ্ডিয়া মিত্ৰজোঁটৰ নেতৃত্ব দখল কৰিব বিচাৰিছিল। সেয়ে মিত্ৰজোঁটৰ সভাপতি হিচাবে মল্লিকাৰ্জুন খাৰ্গেৰ নাম প্ৰস্তাৱ কৰা হৈছিল। এই মাহৰ আৰম্ভণিতে ইণ্ডিয়া মিত্ৰজোঁটৰ বৈঠকত খাৰ্গেৰ বিষয়ে লোৱা সিদ্ধান্তই জেডি(ইউ)ক হতবাক কৰি তুলিছিল।

তচেওঁ লগতে কয় – মিত্ৰজোঁটৰ সভাপতি হিচাবে বিহাৰৰ মুখ্যমন্ত্ৰী নীতিশ কুমাৰক দায়িত্ব দিয়া হ’ব বুলি ভবা হৈছিল। কিন্তু সেয়া নহ’ল। জেডি(ইউ)ৰ আন এজন মুখপাত্ৰ ৰজিব ৰঞ্জনে কংগ্ৰেছক সমালোচনা কৰি কয় যে কংগ্ৰেছে কোনো মান নথকা ব্যক্তিক ডাঙৰ মানুহ বনোৱাৰ চেষ্টা কৰি নিজেই এতিয়া ডুবিছে।
তেওঁ লগতে কয় যে পশ্চিম বংগৰ মুখ্যমন্ত্ৰী মমতা বেনাৰ্জী আৰু বিহাৰৰ মুখ্যমন্ত্ৰী কুমাৰৰ ভাৰত জোডো ন্যায় যাত্ৰাত যোগদান কৰিবলৈ “নিৰ্দেশ” দিছিল, তেওঁলোক যেন কংগ্ৰেছৰ কৰ্মীহে। এনে আচৰণক গৰিহণা নিদি নোৱাৰি।

কংগ্ৰেছে কেতিয়াও নিজে শক্তিশালী হৈ থকা ৰাজ্যসমূহত কোনো সহযোগীক গুৰুত্ব দিয়া নাছিল বুলিও তেওঁ কয় । বিহাৰৰ ৰাজনৈতিক অস্থিৰতাৰ সন্দৰ্ভত তেওঁৰ প্ৰথম প্ৰতিক্ৰিয়া হিচাবে কুমাৰে কয় যে ডেৰ বছৰ আগতে গঠন কৰা ‘মহাগঠবন্ধন’ (মহাজোট)ৰ অৱস্থা ‘ভাল নহয়’। সেয়ে মই মুখ্যমন্ত্ৰী পদৰ পৰা পদত্যাগ কৰি আৰু ৰাজ্যপালক চৰকাৰ ভংগ কৰিবলৈ অনুৰোধ কৰিছিলো। ইপিনে কংগ্ৰেছে জনতা দল ইউনাইটেডৰ সকলো দাবী ভিত্তিহীন বুলি কৈছে। কংগ্ৰেছে কৈছে যে ইণ্ডিয়া মিত্ৰজোঁটত সকলোৱে সমানে অগ্ৰাধিকাৰ পাইছে।