দ্ৰৌপদী মূৰ্মূৰ বিজয়ত তামুলপুৰৰ বিভিন্ন প্ৰান্তত আনন্দ উল্লাস।
এন ডি এৰ ৰাষ্ট্ৰপতি প্ৰাৰ্থী দ্ৰৌপদী মূৰ্মূৰ বিজয়ত দেশজুৰি আনন্দ উৎসৱ পালন কৰাৰ সমান্তৰালভাৱে তামুলপুৰ জিলাৰ বিভিন্ন প্ৰান্তত দেখিবলৈ পোৱা গৈছে উৎসৱমুখৰ পৰিৱেশ।
ৰাষ্ট্ৰপতি হিচাপে প্ৰথম বাৰৰ বাবে আদিবাসী মহিলা হিচাপে দ্ৰৌপদী মূৰ্মূ নিৰ্বাচিত হোৱাৰ পিছতে এতিয়া তামুলপুৰত উঠিছে আনন্দৰ জোৱাৰ।
তামুলপুৰ জিলা সদৰৰ বিজেপি কাৰ্যালয়ৰ সন্মুখত বিজেপি কৰ্মীৰ উল্লাসিত পদযাত্ৰা।
কুমাৰীকাটাত আদিবাসী চেঙ্গেল অভিযানৰ বিজয় ৰেলী। জিলাখনৰ গনেশগুৰিত সদৌ চানতাল কল্যাণ সংস্থাৰ উদ্যোগত তথা সদৌ চানতাল ছাত্ৰ সন্থা আৰু চানতাল বিকাশ পৰিষদৰ সহযোগত নৱ নিৰ্বাচিত ৰাষ্ট্ৰপতি গৰাকীক অভিনন্দন জ্ঞাপন।
তামুলপুৰৰ পৰা প্ৰসাদ দাসৰ প্ৰতিবেদন
