Breaking

জুনু বৰাক সমাজকৰ্মী বন্দনা গীতি সোঁৱৰণী বটা প্ৰদান

0 2,058

 আইদেউ জোনাকী বাটৰ সম্পাদিকা, গুৱাহাটী নিবাসী জুনু বৰাক সমাজকৰ্মী বন্দনা গীতি বৰা সোঁৱৰণী বঁটা ৫ জানুৱাৰীত পশ্চিম যোৰহাট অঞ্চলৰ ২১৫ নং ঘৰফলীয়া প্ৰাথমিক বিদ্যালয়ত নীৰদা গগৈ সভাপতিত্বত অনুষ্ঠিত হোৱা এক অনুষ্ঠানত প্ৰদান কৰা হয় । উক্ত অনুষ্ঠানতে পকামূৰা নিবাসী অৱসৰপ্ৰাপ্ত শিক্ষক হেমধৰ শৰ্মাক সম্বৰ্ধনা জনোৱা হয় । ভবেন হাজৰিকাই আঁতধৰা গোলাপ বৰবৰাই মংগলাচৰণ কৰা, জনাৰ্দন ভুঞা বৰবায়নে উদ্বোধন কৰা অনুষ্ঠানত অধ্যাপিকা ড• জ্যোতিৰেখা হাজৰিকাই বন্দনা গীতি বৰাৰ পঞ্চম মৃত্যু বাৰ্ষিকী উপলক্ষে চেতনা মহিলা আত্মসহায়ক গোট আৰু মঞ্জুলা কলা কেন্দ্ৰই আয়োজন কৰা অনুষ্ঠানত ‘নাৰী সবলীকৰণ: সাম্প্ৰতিক পৰিস্থিতিত ইয়াৰ প্ৰাসংগিকতা’ বিষয়ত বক্তৃতা প্ৰদান কৰে । পৰিয়ালবৰ্গৰ সহযোগত আয়োজিত অনুষ্ঠানত অঞ্চলটোৰ ভালেসংখ্যক লোক উপস্থিত থাকি সহযোগিতা কৰে । উল্লেখ্য, নাৰী সবলীকৰণৰ বাবে দীৰ্ঘদিন কাৰ্য ৰূপায়ন কৰি অহা জুনু বৰাই জোনাকী বাট সম্পাদনাৰ লগতে ‘লিংগ বৈষম্য’, ‘শৃংখল শিঙাৰ আহ্বান’, ‘ভিন্ন প্ৰসংগ আৰু নাৰীৰ মূল্য’ লিখি প্ৰকাশ কৰিছে ।

Leave A Reply