ডিৰাক সীমান্ত, ৮ ডিচেম্বৰ: অসম অৰুণাচল সীমান্তৱৰ্তী তিনিচুকীয়া জিলাৰ কাকপথাৰ ১ নং সৰুডিৰাক ৰাজহুৱা খেলপথাৰত ডিৰাক আঞ্চলিক ক্ৰীড়া সন্থাৰ উদ্যোগত স্বৰ্গীয় মুকুটা দহোটীয়া সোঁৱৰণী “ডিৰাক ৰিজ’নেল কাপ-২০২০” ফুটবল প্ৰতিযোগিতাখনি অনুষ্ঠিত হৈ আছে । আজি “ডিৰাক ৰিজ’নেল কাপ-২০২০” ৰ খেল ডিৰাক পাৱৈ এফ:চি: আৰু কচুডুপ বজালতলি এফ:চি: মাজত অনুষ্ঠিত হয় । কচুডুপ বজালতলি এফ:চি: দলে ডিৰাক পাৱৈ এফ:চি: দলক ২-০ গ’লত পৰাজিত কৰি কোৱাৰ্টাৰ ফাইনেলত প্ৰৱেশ কৰে । কচুডুপ বজালতলি এফ:চি: দলৰ হৈ খেলৰ প্রথমাৰ্ধৰ ৩০ মিনিটত পলাশ জ্যোতি মৰাণে আৰু দ্বিতীয়াৰ্ধৰ ৫ মিনিটত সুৰেল ঘাটোৱাৰে একোটাকৈ গ’ল দি দলক বিজয়ী সাব্যস্ত কৰে । খেল পৰিচালনা কৰে পাপু হাজৰিকাই, লাইনত সহায় কৰে টিক্ষেশ্বৰ চেতিয়া, বিপুল হাজৰিকা আৰু চতুৰ্থত সহায় কৰে প্ৰণৱ ফুকনে । বুধবাৰে খেল ডিৰাক আঞ্চলিক এফ:চি: আৰু পি:ৱাই:এফ:চি: মাজত অনুষ্ঠিত হ’ব ।
