Breaking

গোলাপী হৈ পৰিছে হ্ৰদৰ পানী : চিন্তিত পৰিৱেশবিদ, প্রাণী বিজ্ঞানী ।

0 680

দৈনন্দিন বাৰ্তা

মহাৰাষ্ট্ৰৰ বুলধানা জিলাত অৱস্থিত লোনাৰ হ্ৰদৰ পানীৰ ৰং যোৱা কেইটামান দিনৰ পৰা ৰঙচুৱা গোলাপী হৈ পৰিছে৷ ইয়াকে লৈ স্থানীয় লোকসকল আচৰিত হৈছে৷ পানী ৰং সলনি হোৱাত পৰিৱেশবিদ আৰু প্রাণী বিজ্ঞানীসকল চিন্তিত হৈছে৷ লোনাৰৰ জিলা প্ৰশাসক ছৈফান নাদাফে জনায় যে বন বিভাগে পানীৰ নমুনা সংগ্ৰহ কৰি পৰীক্ষা কৰিছে৷ প্ৰাথমিক পৰীক্ষাৰ প্ৰতিবেদন মতে পানীত লবন বাঢ়িছে আৰু এলগিৰ অতিৰিক্ত উপস্থিতিৰ বাবে এইদৰে ৰং সলনি হৈছে৷ বিশেষজ্ঞসকলৰ মতে ইয়াৰ আগেয়ে লোনাৰ হ্ৰদৰ ৰং ৰঙচুৱা বা গোলাপী দেখা গৈছিল৷ কিন্তু এইবাৰ ৰঙৰ পৰিমাণ বেছি৷ প্রায় ৫০,০০০ বছৰৰ আগেয়ে উল্কাপিণ্ড পৰি গাঁতৰ সৃষ্টি হৈছিল৷ সেইটোৱেই এতিয়া জনপ্রিয় পর্যটন কেন্দ্র লোনাৰ হ্ৰদ৷ এই হ্ৰদত বহু পৰিমাণৰ জলজ উদ্ভিদ আছে৷ হ্ৰদ সংৰক্ষণ সমিতিৰ মতে বৰষুণ নোহোৱাত হ্ৰদত পানীৰ পৰিমাণ কমি গৈছে৷ তুলনামূলকভাৱে পানী কমি যোৱাত লবনৰ পৰিমাণ বাঢ়ি গৈছে৷ ফলত পানীৰ ৰং গোলাপী হৈ পৰিছে ৷

Leave A Reply