হোজাইত জিলা প্ৰশাসনৰ ভূমিহীন খিলঞ্জীয়াক ভূমি পট্টা প্ৰদান অনুষ্ঠান

চৰকাৰৰ ৰাজহ আৰু দুৰ্যোগ ব্যৱস্থাপনা বিভাগ আৰু হোজাই জিলা প্ৰশাসনৰ উদ্যোগত জিলাৰ প্ৰায় দুই হেজাৰ গৰাকী ভুমিহীন লোকক মাটিৰ পট্টা প্ৰদান কৰা হয়। হোজাই স্থিত দেশবন্ধু উচ্চতৰ মাধ্যমিক বিদ্যালয়ৰ স্বৰ্ণজয়ন্তী পেক্ষাগৃহত আয়োজিত উক্ত অনুষ্ঠানত হোজাই বিধায়ক শিলাদিত্য দেৱ মূখ্য অতিথি হিচাপে উপস্থিত থকাৰ উপৰিও জিলা উপায়ুক্ত ডাঃ সদনেক সিং, অতিৰিক্ত উপায়ুক্ত গৌৰি শংকৰ দাস, হোজাই জিলা পৰিষদৰ সভানেত্ৰী ৰমাবালা দেৱী, প্ৰাক্তন বিধায়ক তথা কিনা-বেছা নিগমৰ অধ্যক্ষ সুশিল দত্ত, বিজেপি হোজাই জিলা সভাপতি অনুপ দেৱ, জিলাৰ তিনিও ৰাজহ চক্ৰ হোজাই, ডবকা আৰু লংকা ৰাজহ চক্ৰ বিষয়া তথা অনান্য বিষয়া কৰ্মচাৰী সকল উপস্থিত থাকে। বিধায়ক শিলাদিত্যই মন্তব্য আগবঢ়ায় যে জাতি, মাটি আৰু ভেটিৰ সুৰক্ষাৰ প্ৰতিশ্রুতি ৰক্ষা কৰি জিলাৰ ভূমিহীন খিলঞ্জীয়া পৰিয়ালক ভূমি পট্টা আৰু আবন্টন পত্ৰ প্ৰদানকৰি বিদেশী আগ্ৰাসনৰ পৰা ৰক্ষা পাব আৰু খিলঞ্জীয়াৰ স্বাৰ্থত চৰকাৰৰ এই প্ৰচেষ্টা অব্যাহত থাকিব। অন্যহাতে অসম চৰকাৰৰ এক যুগান্তকাৰী পদক্ষেপ হিচাপে চৰ্চিত উক্ত অনুষ্ঠানত ভূমিৰ পট্টা গ্ৰহণ কৰি উৎফুল্লিত হিতাধীকাৰীসকল