Breaking

লাভলীনালৈ আৰ জি বৰুৱা বর্ষশ্রেষ্ঠ খেলুৱৈৰ বঁটা

0 1,064

টকিঅ’ অলিম্পিকত ব্রঞ্জৰ পদক জয়েৰে অসমৰ ক্রীড়া জগতক গৌৰৱান্বিত কৰা তাৰকা বক্সাৰ লাভলীনা বৰগোহাঁইলৈ আৰ জি বৰুৱা বর্ষশ্রেষ্ঠ খেলুৱৈৰ বঁটা আগবঢ়াইছে অসম ক্রীড়া সাংবাদিক সন্থাই৷ অহা ১১ জানুৱাৰীত গুৱাহাটীত খেলুৱৈগৰাকীক এই বঁটা প্রদান কৰা হ’ব বুলি সন্থাই এক বিবৃতিত জানিবলৈ দিছে৷

ইফালে অসমৰ প্রতিভাৱান সাতোৰবিদ শিৱাংগী শর্মা আৰু ভাৰোত্তোলক সিদ্ধান্ত গগৈক সন্থাই নৃপেন্দ্র নাৰায়ণ সিংহ সোঁৱৰণী বর্ষশ্রেষ্ঠ জুনিয়ৰ ক্রীড়াবিদৰ বঁটা আগবঢ়াইছে৷ একেদৰে অসম ৰাজ্যিক ভলীবল দললৈ নুৰুল আমিন সোঁৱৰণী বর্ষশ্রেষ্ঠ দল আৰু প্রেমধৰ শর্মালৈ পুলিন দাস জীৱনজোৰা সফলতাৰ বঁটা আগবঢ়োৱা হৈছে৷ অসম চৰকাৰ আৰু অইল ইণ্ডিয়াৰ সহযোগত অসম ক্রীড়া সাংবাদিক সন্থাই প্রায় তিনি বছৰৰ বিৰতিত এ এছ জে এ বার্ষিক ক্রীড়া বঁটা ঘোষণা কৰিছে৷

Leave A Reply