ৰাজ্যৰ পশুপালন বিভাগৰ ফোপুলাস্বৰূপ : বিষয়া কৰ্মচাৰী অভাৱে অশনি সংকেত কঢ়িয়াইছে ৰাজ্যৰ পশুপালকলৈ

টীয়ক

 সমগ্ৰ বিশ্ব, দেশ জাতি আজি ক’ৰোনাতংকৰ  ত্ৰাস্তমান হৈ থকাৰ সময়তে ৰাজ্যৰ পশুকুলৰ মাজত সন্তপৰ্ণে আহি প্ৰবেশ কৰিলেহি  “ছোৱাইন ফিভাৰৰ” দৰে মাৰাত্মক ৰোগ৷ উজনি অসমত গাহৰিৰ অস্বাভাৱিক মৃত্যু সেই মৃত্যুক লৈ, এই মাৰাত্মক ৰোগবিধক লৈ আতংকিত গাহৰিৰ পালকসকলক৷ কিন্তু প্ৰশ্ন হ’ল এই  ৰোগৰ লগত যুঁজ দিবলৈ কিমান সস্তম ৰাজ্যৰ পশুপালন বিভাগ এই লৈ উত্থাপিত হৈছে এক জটিল প্ৰশ্ন। পশুকুলৰ এনে অস্বাভাবিক ৰোগৰ লগত যেন পশুপালন বিভাগে যুঁজিব পৰা নাই সক্ৰিয়তাৰে৷ এই ক্ষেত্ৰত পোহৰলৈ আহিছে এক ভয়াবহ তথ্য, পৰ্যাপ্ত বিষয়া-কৰ্মচাৰীৰ অভাৱেই যেন বহু ক্ষেত্ৰত হেঙাৰ হৈছে পশুকুলৰ এই মাৰত্মক ৰোগৰ বিৰুদ্ধে সংগ্ৰাম৷ উল্লেখযোগ্য যে যোৰহাট জিলাৰ টীয়কৰ চিপাহীখোলা,ৰজাবাৰী আৰু বলমাত তিনিখন ৰাজ্যিক পশু চিকিৎসালয় আৰু তিনিটা উপ কেন্দ্ৰ আছে যদিও এই সমূহত নাই প্ৰয়োজনীয় বিষয়া, ক্ষেত্ৰ সহায়ক। সমষ্টিটোত এগৰাকী খণ্ড পশু চিকিৎসা বিষয়া, তিনিগৰাকী পশু চিকিৎসক থকাৰ বিপৰীতে প্ৰায় দুই শতাধিক গাঁও থকা টীয়কত বিভাটোত কৰ্মৰত ক্ষেত্ৰ সহায়ক মাত্ৰ পাঁচ জন আছে। বিভাগটোত কৰ্মৰত কৰ্মচাৰীসকলে অৱসৰ গ্ৰহণ কৰাৰ পাছত আজি পৰ্যন্ত কোনো নিযুক্তি প্ৰদান নকৰাত বিভাগটোত এনেদৰে কৰ্মচাৰীৰ অভাৱৰ বাবে পশুপালক সকল বহু সময়ত বিপদৰ সন্মুখীন হৈছে৷