লখিমপুৰত গাৰ নোম শিয়ৰি উঠা ভয়ংকৰ ঘটনা। স্বামীয়ে ডিঙি চেপি হত্যাৰ চেষ্টা চলালে পত্নীক। লখিমপুৰ চহৰৰ নাতিদূৰৈৰ গৰৈমৰীয়াৰ ওম প্ৰকাশ হাজৰিকাই হত্যাৰ চেষ্টা চলালে পত্নীক।
যি দৃশ্য বন্দী হৈ ৰ’ল শিক্ষয়িত্ৰী পত্নীৰ ম’বাইল ফোনৰ কেমেৰাত। তিনিমাহ পূৰ্বে অধিবক্তা ওম প্ৰকাশ হাজৰিকাৰে বিবাহপাশত আবদ্ধ হৈছিল চহৰৰ কমলাবাৰী পথৰ এগৰাকী শিক্ষয়িত্ৰী। বিয়াৰ পিছৰে পৰা স্বামী ওম প্ৰকাশ হাজৰিকাই অত্যাচাৰ চলাই আহিছিল পত্নীৰ ওপৰত।
শেহতীয়াকৈ পত্নীক অতি নৃশংসভাৱে হত্যাৰ চেষ্টা। এয়া চাওক কেনেদৰে বিছনাত বগৰাই পত্নীক হত্যাৰ চেষ্টা। মুখেৰে মাত মাতিব নোৱাৰাকৈ হেচি ধৰিছে পত্নীৰ মুখ। ইতিমধ্যে ঘটনা সন্দৰ্ভত লখিমপুৰ থানাত দাখিল কৰা হৈছে এজাহাৰ। কিন্তু আৰক্ষীৰ ভূমিকাক লৈ এতিয়া চিন্তিত হৈ পৰিছে নিৰ্যাতনৰ বলি হোৱা মহিলাগৰাকী। অধিবক্তা স্বামী ওম প্ৰকাশ হাজৰিকাক কঠোৰ শাস্তিৰ দাবী জনাইছে সকলো।