মনিপুৰৰ থাংগা কাৰাং আৰু থাংগা চিংখাত এলডিএ (লোকটাক উন্নয়ন কৰ্তৃপক্ষ) আৰু কেইবুল লামজাৱ আৰক্ষীৰ যুটীয়া অভিযানত এক উচ্ছেদ অভিযান চলে। এই অভিযানত মঠ ১৪ টা ‘হোমষ্টে’ক উৎখাত কৰা হয় যিসকলে অবৈধভাৱে লোকটাক হ্ৰদত বাস কৰি আছিল।
সূত্ৰ অনুসৰি, এই অভিযানটো যুটীয়াভাৱে লোকটাক উন্নয়ন কৰ্তৃপক্ষ আৰু কেইবুল লামজাৱ আৰক্ষীয়ে থাঙগা কাৰাং আৰু থাঙগা চিঙখাত বিগত সপ্তাহত চলাইছিল।
মন কৰিবলগীয়া যে, লোকটাক উন্নয়ন কৰ্তৃপক্ষই পূৰ্বতে ‘হোমষ্টে’ অধিকাৰীসকললৈ এক অধিসূচনা জাৰী কৰিছিল য’ত তেওঁলোকৰ অবৈধভাৱে তৈয়াৰী ঘৰবোৰ উৎখাত কৰা হ’ব বুলি জনোৱা হৈছিল। ইয়াৰ বাবে হ্ৰদৰ প্ৰাকৃতিক ভাৰসাম্য বিনষ্ট কৰিছে বুলিও অধিসূচনাত উল্লেখ কৰা হৈছিল।
উল্লেখযোগ্য যে, এই অধিসূচনাৰ পাছতেই কেইজনমান ‘হোমষ্টে’ অধিকাৰীয়ে নিজৰ ঘৰবোৰ নিজেই উৎখাত কৰিছিল।
হ্ৰদটোৰ বিভিন্ন অঞ্চলত অবৈধভাৱে স্থাপন কৰা কিছুমান হোমষ্টেৰ কাৰ্যকলাপৰ তথ্যৰ ওপৰত ভিত্তি কৰি, এলডিএৰ যুটীয়া দল আৰু আৰক্ষীয়ে উচ্ছেদ অভিযান চলাইছিল। দলটোৱে এলডিএৰ পানী যন্ত্ৰ ব্যৱহাৰ কৰি হোমষ্টেবোৰ ধ্বংস কৰিছিল।
জানিব পৰা মতে, অভিযানটো প্ৰত্যক্ষ কৰাৰ পিছত, হোমষ্টেৰ কেইজনমান অধিকাৰীয়ে তেওঁলোকৰ হোমষ্টেবোৰৰ তললৈ লৈ গৈছিল আৰু আন কেইজনমানে ওপঙি থকা জোপোহাৰ মাজত তেওঁলোকৰ ঘৰ লুকুৱাই ৰাখিছিল। এই অভিযানটো আগলৈও অব্যাহত ৰখা হ’ব বুলিও এক সূত্ৰৰ দ্বাৰা জানিব পৰা গৈছে।