অন্ত পৰিল বিটিচি নিৰ্বাচনৰ ভোট গণনা । ১২ ডিচেম্বৰৰ পুৱা ৮ বজাৰ পৰা আৰম্ভ হৈ ১৩ ডিচেম্বৰৰ মাজ নিশালৈ চলিল ভোট গণনা । ভোট গণনা অন্তত কোনো এটা দলেই বিটিচিত সংখ্যা গৰিষ্ঠতা লাভ কৰিবলৈ সক্ষম নহ’ল।
ইয়াৰ পিছতেই মাজ নিশা ২ বজাত মন্ত্ৰী হিমন্ত বিশ্ব শৰ্মাৰ বাসগৃহত অনুষ্ঠিত হয় এক ৰুদ্ধদ্ধাৰ বৈঠক। বৈঠকত কি আলোচনা হল সেই সম্পৰ্কত কোনো কথা বৰ্তমানলৈকে স্পষ্ট হোৱা নাই যদিও বৈঠকখন মিত্ৰতা সম্পৰ্কতে অনুষ্ঠিত হৈছিল বুলি ধাৰণা কৰা হৈছে । বৈঠকত মন্ত্ৰী বিমন্ত বিশ্ব শৰ্মাৰ লগতে প্ৰমোদ বড়ো, গণ সুৰক্ষা পাৰ্টিৰ সভাপতি নৱ কুমাৰ শৰণীয়া আৰু বিজেপিৰ ৰাজ্যিক সভাপতি ৰঞ্জিত কুমাৰ দাসক দেখা পোৱা যায় ।