‘Mindora’- মানসিক সমস্যাৰ এক ডিজিটেল প্লেটফৰ্ম
কংকণজ্যোতি ভূঞা
প্ৰতিটো সৰু-ডাঙৰ কথা খুলি ক’বলৈ সাহস লাগে আৰু সেই সাহসক দৃঢ় কৰিবলৈ লাগে এগৰাকী শ্ৰোতা। যাৰ আগত বিনাদ্বিধাই সকলো কথা ক’ব পাৰি, যিয়ে প্ৰতিটো কথা বুজিবলৈ অথবা চালি জৰি চাবলৈ চেষ্টা কৰে। “ডিপ্ৰেশ্যন” বেমাৰ নহয়, দুৰ্বলতাও নহয় আৰু মুকলিকৈ আলোচনা কৰিব নোৱাৰা কোনো অস্পৃশ্য বিষয়ো নহয়। “ডিপ্ৰেশ্যন”ত ভোগা মানুহবোৰ অকলশৰীয়া, ভিৰৰ মাজতো নিসংগ তেওঁলোক, কাৰোবাৰ ভুল ধাৰণা চিকাৰ অথবা চিকাৰ কাৰোবাৰ গুৰুত্বহীনতাৰ। তদুপৰি আজিকালিৰ মানুহৰ সময় ক’ত? কোনে শুণে কাৰ কথা? নিজৰ বাবেই দেখোন সময়ৰ নাটনি। তেনে এক প্ৰেক্ষাপটত নলবাৰীৰ সমাজহিতৈষী শিক্ষিত যুৱক চিন্ময় কাশ্যপ আৰু গুৱাহাটীৰ জয়ন্ত শালৈয়ে অসমবাসীৰ বাবে লৈ আহিছে ‘Mindora’ নামেৰে এটি সামাজিক সংস্থা।” য’ত আপোনাৰ- মোৰ প্ৰতিটো মানসিক সমস্যা যেনে ষ্ট্ৰেছ, ডিপ্ৰেশ্যন, এনেস্কিতিৰ বিষয়ে আলোচনা কৰিব পাৰিব আৰু ইয়াৰ লগত মোকাবিলা কৰিব পৰাকৈ নিজক প্ৰস্তুত কৰিব পাৰিব। জনসাধাৰণৰ মাজত অধিক সজাগতা বৃদ্ধি কৰা, কাৰোবাক নিজকে শেষ কৰি দিয়াৰ পৰা ৰক্ষা কৰা, কাৰোবাক এদিনৰ বাবে শ্লিপিং টেবলেট খোৱাৰ পৰা আঁতৰাই ৰখাৰ বাবে আজীৱন প্ৰতিজ্ঞাবদ্ধ Mindoraই ইয়াৰ বাবে ৰাইজৰ পৰা Mindora ৰ সঁহাৰি ২ স্তৰীয়ভাৱে আশা কৰিছেঃ
১/ বুকিং (তেওঁলোকৰ social media ৰ লিংকত ইয়াৰ বাবে নিৰ্দিষ্ট ফৰ্ম পাব)
২/ Psychologist ৰ সৈতে বাৰ্তালাপ ফোন বা মেছেজৰ দ্বাৰা আৰু যদিহে আপোনাৰ সমস্যা গুৰুতৰ তেন্তে সংস্থাৰ ফালৰ পৰা এজন Psychyatrist ৰোগীগৰাকীৰ ঘৰলৈ পঠোৱা হ’ব medical consultation ৰ বাবে।
সংস্থাৰ প্ৰতি আমাৰ সঁহাৰি সংস্থাৰ অভিজ্ঞ সদস্যৰ দ্বাৰা কৰা হ’ব। কোনো ৰ’বট, কম্পিউটাৰ কিম্বা স্বয়ংক্ৰিয় মেচিনৰ দ্বাৰা নহয়। সংস্থাটোৱে বিশ্বাস কৰে যে মানুহৰ মানসিক সমস্যাৰ বিষয়ে মানুহে ভালদৰে বুজিব পাৰিব কোনো ৰ’বটে নহয়। স্মৰ্তব্য যে বৰ্তমান সংস্থাটোত ১৮ গৰাকী নিৰ্দিষ্ট বিভিন্ন ক্ষেত্ৰত অভিজ্ঞ সদস্যই কাম কৰি আছে। বৰ্তমান বিশ্বব্যাপী বিভীষিকাৰ সৃষ্টি কৰা মহামাৰী ক’ভিড-১৯ ৰ সময়ত আমি অৰ্থনৈতিক, আৰ্থিক, বেপাৰ-বাণিজ্য, চাকৰি সকলোতে বিভিন্ন সমস্যাৰ সন্মুখীন হ’ব লগা হৈছে সেয়েহে এই সকলোবোৰ সমস্যাৰ লগত মোকাবিলা কৰিব পৰাকৈ আমি আমাক মানসিকভাৱে প্ৰস্তুত কৰিব লাগিব। এনে সময়ৰ প্ৰতি লক্ষ্য ৰাখিয়েই অহা ১৫ মে’লৈ সংস্থাটোৱে সমগ্ৰ দেশতে সম্পূৰ্ণ বিনামূলীয়া সেৱা আগবঢ়াব বুলি সিদ্ধান্ত লৈছে। জানিব পৰা মতে, বৰ্তমান তেওঁলোকৰ বুকিং প্ৰক্ৰিয়া চলি আছে আৰু ভাৰতৰ বিভিন্ন চহৰৰ পৰি এতিয়ালৈকে অতি কমেও ৭৩ টি বুকিং সফলভাৱে সম্পন্ন কৰিবলৈ সক্ষম হৈছে। Mindoraই ৰাইজক এনেকুৱা এখন ডিজিটেল প্লেটফৰ্ম দিব বিচাৰিছে য’ত আপোনালোকে নিজকে মানসিকভাৱে সুস্থ আৰু সবল কৰি ৰাখিব পাৰে। তদুপৰি আমি বহুতো ব্যক্তিগত অনুষ্ঠান, চৰকাৰী অনুষ্ঠানত বিভিন্ন seminar, stress management workshop আদিৰ ব্যৱস্থা কৰা হৈছে লগতে আৰু এনেকুৱা প্ৰচেষ্টা বহুতো অনুষ্ঠানৰ সৈতে যৌথভাৱে চলায় নিয়াৰ বাবে সংকল্পবদ্ধ হৈছে। সংস্থাৰ যোগাযোগ ঠিকনাঃ Facebook- https://www.facebook.com/mindoraindia/, Instagram- https://www.instagram.com/mindoraindia/, Twitter- https://twitter.com/mindoraindia. ভ্ৰাম্যভাষঃ ৮৬৩৮২-৩৫৪৮১